Romane organizacie kotar e sasti Evropa ko Solun

Reprezentantura katar romane organizacije katar buteder Evropake thema kidepe ande Tesalonika pe Generalno Asambleja kata ERGO netvorko, jekh katar e majimportantne khedipa katar romano civilno amalipe ande Evropa. Ano but divesutno kedipe, o membrya e netvorkoske diskutingyona vash pharipa kola siton angleder o romane komunitetya, sar ini vash o avutne droma vash o baryaripe e organizaciyengo kola kerena advokati vash o lacharipe e poziciako e Romengo ano sasto kontinenti.

 

O kedipe sine shaipe te ulavenpe eksperienca, te lenpe importantno decizie thay te planirinenpe khetane aktivitetya ano avutno periodi. Specialno akcento sasa thodino te phandel pes e Evropake politike e sakodivesutne problemurenca savencar arakhen pes e Rroma ande lokalne komunitetura.

 

Ko vakti kana bešena an i Tesalonika, o kotorleutne sine len šajipe te sikljon baši situacia tari Romani komuniteta ki Grecia, thaj i situacia ki bešipnaski Dendropotamos, kote so but berša si anglal o pharipa taro socijalno ekskluzia, čorolipa thaj limitirimo akceso ko ververutne servisia. Evaluiringja pe kaj numa asavke misalja sikaven kobor si importantno o glaso e romane komunitetengo te ovel prezento ko keribaske procesija ko nacionalno thaj evropako nivelo.

 

Jekh kotar e centralno teme kotar o kedipe sine o zoralipe e romane organizaciengo thaj olengero duryaripe ano vakti kana o civilno sektori si anglal buteder pharipa. Vakergje pe pozicija e terne romane muršenge thaj džuvljengo, lačharipe mentalno sastipasko, ekonomikano zoralipe e komunitetengo, majbaro involviribe e džuvljengo ko procesija e decizjengo, sar ini sar droma te arakhel pe o romano kulturako barvalipe.

 

O kotorleutne sikavde kaj trubul te kerel pe dodatno investicie ko lokalno organizacie save kerena buti e komunitetencar sakova dive, soske ola majšukar džanena o trubujipa e dizutnenge thaj šaj te den kontribucia ko kreiribe sastipaskere solucie bašo problemia so arakhena pe o Roma.

 

Pe vahti e generalune asambleako alosargyola o nevo menadžmenti e netvorkosko ERGO, thay o membrya adoptingyona paruvipya ano andrune aktya thay menadzhmentoske regule kola ka den kontribucia vash may efikasno buti e organizaciaki thay may baro involviripe e membryengo ano procesya e deciziyengo.

 

Jekh vizita ko jekh romano socijalno enterpriza thaj restoranti so kerel pes kotar e Romane džuvlja kotar o Dendropotamos mukhlja jekh specialno impresia ko participantia. Kava egzamplo katar sukcesutni inicijativa sikada kaj ekonomikano zuralipe thaj aktivno komunitetosko kotorleutnipe si ključne faktora ando maripe mamuj diskriminacija thaj socialo ekskluzija.

 

O kedipe bičhalgja klaro mesažo kaj e Romengiri pozicia an i Evropa šaj te lačharel pes numaj prekal khetani buti e instituciencar, civilno amalipaske organizaciencar thaj korkore romane komunitetencar, pherdo respektosa e manušikane hakajengo, jekhutne šajdipaske thaj digniteto svakone individuako.

 

O.V.