Romani čhib sar barvalipe savo našti te bistrelpe

Akava berš i Asocijacia e Rromengi ki Republika Hrvatska "KALI SARA" inćarel neve prize save si destinime vaš individue save dende specialno kontribucia baši afirmacia e romane čhibjaki thaj lačharipe e pozicijako e romane komunitetosko.

 

Maškar e pindžarimata save ka oven dende si o prizo "5-to Novembro", savo si dino pala e manuša save kerde kontribucia ki afirmacia e romane čhibjaki, kulturaki thaj identitetosko pire lungone vramake butjasa, sar vi e čarta "Gardija e romane čhibjaki", savi pindžarel kodolen save si profesionalno vaj aktivno ande lako arakhipe, studiribe thaj promoviribe.

 

Specialno nakhavipnaske lila ka den pes vi e individuenge save kerde kontribucija vash majbari vizibiliteta e Romengi ando publikano, kulturako thaj medijako than. Speciàlo than astarel o prizo "Rromani daj" (rromani dej), savo si simbolo e naisaripnaça e rromane komunitètaqo karing e manuśa savenqi buti dine kontribucia te phagavel pes e angladrasude, te laćharel pes i pozicia e rromenqi thaj lenqi maj barabar reprezentàcia anθ-i amalipa.

 

O festivitate e Romane čhibako Lumako dives si les jekh specialno značenje e Romenge ande sasti Evropa thaj ande sasti lumia. I iniciativa pala oleski proklamacia avili andar i Hrvatska, palal o baro sukceso katar o angluno romano-hrvatsko thaj hrvatsko-romano dikcionari, kerdo katar o Veljko Kajtazi, publicirimo ando 2008. Ando 2012-to berš o Kroaciako Parlamento, sar angluno parlamento ande lumia, dineas suporto kadale maškarthemutne inicijativake. Pala trin berša, pe Filozofijaki Fakulteta katar Univerziteto Zagrebos, šundjilas jekh postgradualno studija ande Rromane studije.

 

Pe inicijativa e parlamentarno reprezentantesko Veljko Kajtazi thaj e Asocijacijake e Rromengi ki Republika Hrvatska „KALI SARA“, thaj pe propozalo e Republikake Hrvatskako, ko 7-to Novembro 2015-to berš, o UNESCO deklarisarda o 5-to Novembro sar Lumako Dive e Romane čhibjako. Adjes inkrel pe kadi data ande maj but sar 27 thema ande luma.

 

I importanca kadale kedipaski si pindžardi vi katar e medije, save but berša dikhen pala lesko barjaripe thaj aktivitetura. O portalo Telegraf.rs thaj o rromano informàciaqo portalo Romanenevimata.rs but berśa den raporto pal-i festivitatea e lumjaqe rromane ćhibăqe divesesqe, pinʒarindoj lesqi importanca na numaj vaś i rromani komunitèta anθ-i Kroàcia, no vi vaś e rroma anθ-i sasti Evropa.

 

Kadi data reprezentil but maj but katar jekh simbolikano markeripe e ćhibăqo. Ov anela pe godzi kay manglape te arakha, te baryarel thay te nakhavel e romani qhib e neve generaciyenge, numay ini te ovel yekh barabar than ano siklipe, medie, kultura thay publikuno jivdipe.

 

Te arakhes ekh ćhib si te arakhes e naciaki historija, identiteto thaj kulturako barvalipe.

 

O.V.