Phandlo konkurso vash "Roma Business Boost": Baro interesi e romane antreprenerenge

Sar si pe informacie e organizatorengo, baro numero interesime manuša kerde aplikàcia vaś o akharipe - katar e gazda e aba vazdine biznisurenqe źi ko kodola save numaj planirinen te putren piro bizniso.

 

O programo implementirinela pe tari REDI Srbija, thaj si kerdo bašo romane biznismenja tari Srbija, Bosna thaj Hercegovina thaj Montenegro. Akale beršesko siklipe inćarel gatisarimasko online sesia thaj duj divesesko live treningo, savo ka ikerel pe 13 thaj 14 oktobro ano Beograd.

 

O programo si ulado pe trin nivelura, te śaj te del pes atùnći respònso pal-e trubujimata le participànturenqe anθ-e verver faza le biznèsosqe.

 

O biznis inkubatori si kerdo vash avutne antreprenoria thaj kodola save si ko angluno drom e biznis dromesko. E participantura ka keren buti upral teme sar so si startuipe thaj planiripe e biznisesko, juridikane forme, finansijako džanglipe, marketing, digitalno biznisi thaj te keren biznis plano.

 

O programo vaś o startup e biznèsosqo si kerdo vaś e biznèsură save si anθ-e anglune stadiumură e barjaripnasqe save kamen te laćharen penqo biznèso. O fokuso si pe finansia, bikinipe, marketing, digitalizacia, e-biznes thaj biznis menadžmento.

 

O trinto nivelo, o Programo vaś o Biznesosko Barjaripe, si kerdo vaś e biznisură save si aba barjarde save kamen te len o aver paso - prekal e investicie thaj e biznis partneripen, laćharipen e biznis procesurenqo, o barjaripe e lideripnasqo thaj o andre źanglipe anθ-e neve marketură.

 

“Roma Business Boost” si kotor taro proekti “EU suporto bašo REDI inicijativa, faza II: Lačharipe taro romano pretpriemnistvo ko Zapadno Balkani thaj Turkija”, savo realizirinel pe finansijsko suporto tari Evropaki Unia.

 

REDI Srbija akana inćarda baro numbri taro romane antreprenoria ko anglune ciklura taro programi. O angluno ciklo, agorisardo ko agor e beršesko 2025, sas les maj but katar 40 participantura, saven sas dino certifikàto palal o treningo. Pe akava vahti, o programi lela adikeripe vash o sebepi kay REDI Srbiya lela o statusi sar publikuno pindžardo organizatori vash aktivitetya vash edukacia e phurenge (JPOA), odoleske o participantya shay te len formalune pindjarde certifikatya vash o resle džanlipa thay shaynipya.

 

O baro intereso bašo nevo akharipe sikavela kaj isi trubujipe maškar o Roma na numa bašo suporto bašo akana egzistuime biznisora, numa thaj specifično džanlipa thaj mentoripe bašo odola so panda kamen te oven entrepreneria. O alosaripe e participanturengo ka ovel kerdo pe baza e aplikacienqi save si resle, thaj e alosarde kandidatura ka oven informišime prekal telefono thaj/vaj e-mail.

 

O.V.