O REDI khedel partneren trujal neve modelia e suportoske e romane biznismenenge

16/09/26 | 13:15

Vakti: 1 min.

Partner Forumo tari REDI inicijativa si fokusirimo te lačharel pe o akceso ko finansiribe, informacije thaj biznis netvorkura bašo Romane antreprenoria.

Foto: REDI

O Romane antrepreneria ano sasto regioni kerena biznis ideje thaj kerena kompanie sako dive, numa o akseso ko resursia so trubul bašo barjaripe butivar ačhola jekh taro majbare pharipa. Finansiripe, relevantno informacia thaj biznis netvorkura si thana kote so isi obstrukcie save šaj te tiknjaren o barjaripe lengere biznisesko.

Trubulipe te lačharen pe akala pharipa prekal direktno kooperacia maškar o antrepreneria thaj o institucie sikavela iniciativa REDI - Iniciativa vash o barjaripe e romane entrepreneurshipesko, kova lansirisarda piro Partner Forum.

Foto: REDI

I angluni edicia e Forumoski anel khetane e REDI fondoske partneren e ciljosa te paruven eksperienca katar e angluni buti, te dikhen e rezultatura katar e egzistuime suportoske modelura thaj te identifikuin e thana kote so trubul maj but lačharipe.

Jekh specialo fokuso si sar te keren pes e egzistuime finansijake instrumentura thaj tehnikano suporto maj aksesibilno pala majbaro numero e romane biznismenurengo thaj sar te džal o suporto karing lungo vramako bućaripe thaj barjaripe e biznisesko.

O REDI mothovel kaj e pharipa savenca arakhen pe e romane antreprenoria našti te resljon numaj e deklarativno suportosa. Odoleske, res e Forumesko e Partneresko sito kay institucie, organizacie thay yaver aktorya kola isilen shaipe te keren influenca vash akseso vash finansiripe thay biznis resursya te vakeren direktune e antrepreneryencar thay khetane te defininen konkretune paruvipya.

Foto: REDI

O forumo odoleske si koncipirime sar than vash o paruvipe e eksperiencako, numay ini vash o kreiripe e avutne generaciako soluciyengo kola manglape te den shaipe vash may baro numero e romane entrepreneryengo te resen investicie, profesionalune džanlipa thay bizniseskere shaipya.

I Inicijativa vash o Barjaripe e Romane Pretpriemnipaske dureder kerela suportoske modelya kola konektingyona e Romane entrepreneryen e finansikane instituciyencar, investitorencar, organizaciencar thay yaver partneryencar, reslea kay te kreirinen kondiciye vash duryaripesko baryaripe e biznisesko.

O.V.