Ikerdilo 14-to sesia taro Konsilo bašo Nacionalno Minoriteti
0
Vakti: 1 min.
O 14-to bešipe e Konsilosko pala nacionalne minoritetura sas organizuime katar o Ministeriumo pala manušikane thaj minoriteturengo xakaja thaj socialo dialogo. I sesia inkerdilo kotar o sherunoministri e Republikako Srbiako, prof. Dr. Đuro Matsut.
Foto: NSRNM
Ano piro putardo vakeripe, sherunoministri Macut sikavgya kay Ustav e Srbiaki rodla respektipe vash demokratikune principya thay inkluzipe savore komunitetyengo ano procesya e deciziyengo. Vov specijalno dende akcento pe importanca katar putardo thaj inkluzivno dialogo, respekto pala specifičnosti katar minoriteturenge komunitetura thaj responsibiliteto katar sa participantura ande keripe politikako, maj but kodola save si ande relacia pala kulturaki autonomia.
Foto: NSRNM
Ministri vash Manushikane thay Minoritetyengo Hakaya thay Socialuno Diyalog, Ddemo Beriša, prezentingya e ministripeske aktivitetya kola resle te laqharen pozicia e membryengo e nacionalune minoritetyengo, akcentingya kay minoritetune komunitetya siton Srbiyako barvalipe.
Foto: NSRNM
Pe sesia si prezentirime raporto pala buti e Koordinaciaki nacionalne konsilengo nacionalne minoriteturengo, sar vi raportura pala implementirime thaj planirime aktivitetura katar nacionalne konsilura. Adoptirinela pe ini Programesko Propozalo vash alosaribe e lovengo kotar o Budžetesko Fondi vash Nacionalune Minoriteti ano 2025. bersh, vash savo ulavde sa khetane 25 milionya dinarja.
Foto: NSRNM
Ano programesko propozalo akcentingyola kay kultura ka ovel prioritetuno kotor e financipeske programyengo thay proyektyengo ano akava bersh, kova konfirmingya e Raipeski decizipe vash te suportinel o arakhipe thay vazdipe e kulturake praktikengo e nacionalune minoritetyengo ani Srbija.
Foto: NSRNM
Ani sesia sine o ministri vash informacia thay telekomunikacie Boris Bratina,ministri vash justicia Nenad Vujić, reprezentya e themutne instituciyengo thay nacionalune konsilyengo e nacionalune minoritetyengo, mashkar lende o prezidento e Nacionalune konsiliako e Romane nacionalune minoritetengo, Dalibor Nakić.
O.V.