Jekh delegacia taro Nacionalno konsilo e Romengo vizitirinela o romano bešipe ano Knjaževaco

Ano jek direktno vakeribe e dizutnenca, kote sine vi o prezidento e komunako Milan Đokić thaj oleske asociirime, e membria e romane komunitetake sinelen shaipe te sikaven o ključne pharipa save keren efekto ko kvaliteti e dživdipaskoro. E problemura ande rig e kherengi thaj e butjake kondiciengi si specialno sikavde.

 

Palo phiripe e bešipnasko, ikergjape butjarno khedipe ano ofiso e šerutnesko e komunako kote vakergjape konkretno šajdipa bašo lačharipe e poziciako e Romengo ano Knjaževaco. Vakergje pe potencijalno angažmano e koordinatorengo bašo romane pučipa, andipe e sikavne asistenturengo ko maškarutne škole, keripe thaj adoptiribe e Lokalno Akciono Planesko bašo socijalno inkluzija e Rromengi, sar ini šajipa te gatisaren pe thaj realizirinen pe projektia ko umal e socijalno bešipnaskoro.

 

Prezidenti e Konsilesko Dalibor Nakić sikavgja kaj e lokalno korkorroortuimaske jekhina isilen importantno rola thaj odgovornost ano kreiripe e politikengo thaj masurengo save den kontribucia bašo barabaripe sa e dizutnengo, thaj vi membria taro rromano nacionalno minoriteti.

 

Nacionalno Konsilo Romano Nacionalno Minoriteti sikavgja piro gatisaripe te del sasto suporto e lokalno korkorroortuimaske an i realizacia e inicijativenge save si resle te lačharen i pozicija e Rromengi ko avutno periodi. O Konsilo akcentirindas kaj ačhol angaźuime te kerel kooperàcia e institucienqe thaj te del suporto sa e laćhe praktikenqe thaj politikenqe save den kontribucia te vazden jekh maj inkluzivno societèta bazirime anθ-i jekhutnipen, respekto vaś o diverziteto thaj jekhutne śanse vaś sa e dizutne.

 

O.V.