Vakti: 2 min.
INICIATIVA VAŚ MAJ LAĆHE ĆHIVIMASQE KONDICIE E ROMENGE ĆHIVDILE AN-O BOR: VIZITA KO "SEVER" BEŚIPEN
Vakti: 2 min.
Reprezentantia taro Nacionalno konsilo taro Romano nacionalno minoriteti vizitingje o romano bešipe "Sever" ko Bor, kote paše 50 familie dživdinena ko but phare socio-ekonomikane kondicie. Ko vakti e vizitako vakergje e lokalno manušenca bašo sakodivesutne problemia so arakhena pe, kola majbut afektirinen o kvaliteti taro olengere dživdipa.
Foto: Romanenevimata
O beshipaske thana “Sever” thaj “Brezonik” siton ano pashe than e minengo, thay o beshipaske thana may but jivdinena ano purane thay nasvale khera kola na resena o bazikane kondicie vash yekh dignitetuno jivdipe. Ko vakti e vorbipesko, o lokalno manuša sikavde but pharipa, maškar save o majbare si o bilačhe kondicie e kherengo thaj o bi-adekvatno infrastruktura.
Foto: Romanenevimata
O Nacionalno Konsilo vakergja pe godi kaj ano nakhlo periodi sine angle vakerde lafija e reprezentencar taro lokalno korkoroortuipe, sar ini e reprezentencar taro kompanija Zijin Mining, bašo šajipe te kerel pe projektsko dokumentacija bašo socialno khera destinirimi bašo familije taro akala bešipnaske thana.
Sar si pe janipe, o Konsilo ka lundjarol diskusie e lokalune autoritetyencar thay kompetentune instituciencar ano avutno periodi vash te arakhel duryaripe thay lungo vahtisko reslipe vash te laqharel jivdipaske kondicie ano akala komunitetya. Jekh specialo fokuso ka ovel pe reslipe e kherengo, administrativno thaj socialno problemengo savencar arakhen pes e beśutne.
Foto: Romanenevimata
Palo pučipe e kherengo, ano vakti e vizitako sine pindžardo ini trubulipe vash ekonomikano zoralipe e populaciako. Nacionalno Konsilo planiril te del suporto e interesime manušenge thaj familienge te astaren pire aktivitetura, prekal ažutipe ano keripe e biznis planengo, sar ini prekal konekcia e suportoske programencar, donatorencar thaj organizaciencar save finansijake thaj profesionalno suportirinena o barjaripe e entrepreneursko.
Numaj, o Konsilo mothovel kaj pe teritorija forosko Bor isi baro gendo dženura taro romano amalipa save dživdinena ko regulirime kondicie, si len buti thaj aktivno len kotor ko socijalno thaj ekonomikano dživdipe. Kadala egzamplura, sar von phenen, sikaven kaj e inkluzia si śajdi te kerel pes kontinuo institucionalo suporto thaj sistemikane mere.
Foto: Romanenevimata
Nacionalno Konsilo Romano Nacionalno Minoriteti vakerel kaj ka lundjarol direktno buti e komuniteta thaj instituciencar, areslipaja te keren kondicie bašo dignitetno dzivdipe, realiziribe fundavutne hakajengo thaj pobaro socijalno inkluzipe e Romengo ko sa odola kotora tari amalipa.
O.V.
Nevimata save si povezime
Zuralipe e kooperàciaqo vaś te laćharel pes i pozicia e rromane aźutipnasqi
Ikerdilo 11-to bešipe e Asambleako taro Nacionalno konsilo taro rromano nacionalno minoriteti
O Internacionalno dive e romane chibjako festuindjape ano Etnografikano muzeumo
