SUPORTO VAŚ I ROMANI KOMUNITETA PREKAL DIREKTNO BUĆI KO TERENO

Ano vahti e vizitako, o Nakić sine lačhardo kotar e romani inkluzijaki koordinatorka Ivana Milosavljević thaj olesko but beršesko asociirimo Dejan Vlajković. Khetane, vizitingje nekobor beshipaske thana, kote sine len putarde vakeribe e lokalno manušenca bašo ključne teme save kerena efekto ko kvaliteti e dživdipasko e romane komunitetosko – kotar o kherutne kondicie thaj komunalno infrastruktura, dži ko akceso ki edukacia, buti thaj socialno servisia.

 

Dizutne sinelen shaipe te mothaven o specifikune problemya kola siton angleder, numay ini te propozinena solucie, kola, sar vakergya o Nakić, sito ekstremno vasno vash dureder funkcionipe e instituciengo.

 

“Majimportantno sito te ovel prezenti ano tereni thay te vakera e manushencar. Odoya yekh drom shay te dikha klaro o realune mangipya thay te kera buti khetane e lokalune partneryencar vash te reslol olen.Amaro res sito kay sakova familiya te ovel yekhune shanse vash yekh dignitetuno jivdipe”,vakergya o Nakić.

 

Ov sikavgja kaj o Nacionalno Konsilo ka lundjarel turnea an o romane bešipnaske thana an i sasti Srbia, soske direktno komunikacia e dizutnenca si ključno te kerel pes efektivno mere thaj politike. Sar vakarga specijalno akcenti ka del pe edukacia e ternenge thaj olengi inkluzia ano marketi e butjako, sar ini ko zoralipe e kooperaciako e lokalno korkorroortuimaske.

 

Koordinatorka vash romani inkluzia, Ivana Milosavljević, vakergya kay asavke vizite isilen baro vasnipe vash romano komuniteti, sar so dena kontribucia vash may shukar konekcia mashkar dizutne thay institucie, numay ini vash may sig reslipe e specifikane problemyengo.

 

I vizita an o Arandjelovac pale jekh ver konfirmingja i decizia te lačharel pe i pozicija e romane jekhinake prekal direktno buti ko tereni, putardo dialogo thaj partneripe sa relevantno aktorencar. Prekal akava tip e aprososko, sar so si lav, kerel pes jekh societeta e barabar šajipnaski thaj jekh sastipasko avutnipe sa e citizentonge.

 

O.V.