Neve inicijative palo majbaro šajipe e butjako e Romenge

Prezidenti taro Nacionalno konsilo taro Romano nacionalno minoriteti, Dalibor Nakić, arakhlape e reprezentencar tari organizacia REDI Saša Jumerović thaj Sadik Saitović, a šerutno tema taro vakeribe sine neve inicijative save si resle te lačharen buti thaj ekonomikani pozicija e membronge taro romano amalipa.

 

Ko vakti e khedibako vakergja pe šajdipa bašo keribe specifična modelia save ka den šajipe e Romenge, specijalno e ternenge te oven pošukar akceso ko marketi e butjako thaj majbari participacia ko ververutne thana e butjarnenge.

 

Specialno sama dende pe inicijativa vash butikeribe e membrencar taro romano komuniteti ki foroski transportno kompanija ko Nis, palo misal taro inicijativa legardi ko Beograd, kote dikhela pe šajipe te len pe buti e Roma sar šoferija e busoske, te oven pherde sa e preskribime kondicie.

 

Dalibor Nakić, prezidento katar Nacionalno konsilo Rromengo nacionalno minoritetosko, sikavgja kaj te šaj te lačharel pe pozicija e Rromengi, trubul te putaren pe konkretno šajimata palo bućaripe.

 

“Sito vasno te phergyol konverzacie thay iniciative ano konkretune shaipya vash butikeripe. Amen specialune mangava te putarav than vash terne manusha te vastinen olenge janipe thay abiliteti ano marketi e butyako”,vakergya o Nakić.

 

Reprezentantura taro REDI sikavde o importantno kooperacia e instituciencar thaj butjarnencar ko kreiribe sastipaskere modelia tari ekonomikani inkluzia e Romengi.

 

Saša Jumerović taro REDI vakarga kaj konektiribe e komuniteta, institucie thaj butjarnenge si jekh taro importantno pasura ko kreiribe neve šajdipaske.

 

“Prekal specifična inicijative, mangaja te konektirina trubujipa taro butjarno marketi e potencijalija taro romano komuniteti thaj te putara pobuter shaipa bašo butikeribe”, vakarga o Jumerović.

 

Avilo lačhardo kaj o Nacionalno konsilo e Romengo thaj REDI ka lundjaren diskusie relevantno instituciencar thaj butjarnenca po drom maj dur te barjarel pes i inicijativa ko Niš thaj te arakhel pes modeli bašo šajutni realizacia.

 

O Sadik Saitović kotar o REDI evaluingja kaj kooperacia sa e aktorenge si importantno bašo sukcesi taro asavke inicijative.

 

“Rezultati šaj te avel numa prekal kontinuirimo vakeribe thaj kooperacia e instituciencar thaj butjarnencar. Cilja sito te resel pe konkretno solucie save ka oven dživdipaske e manušenge save pherena kondicie bašo butikeribe”, vakarga Saitović.

 

Puterdipe neve butjarimaske thana shaj te del kontribucia vash majbari ekonomikani independenca, familiaki sekuritato thaj majbari participacia e Rromengi ando amalipe. O Nacionalno Konsilo e Romengo thaj o REDI vakergja o kontinuipe e aktivitetengo save si resle te pheren e inicijative save si inicirime prekal vakeribe te oven konkretno modelia e kooperaciake.

 

O.V.