Nevo agorutno vaxt vaś registracia e ćaćipnaski e imobilienqi: aplikàcie źi ko 24-to oktòbro

Ano khedipe sine notirime kaj baro gendo dizutnengo taro romane bešipnaske thana angleder dende aplikacie, so kergja signifikantno progreso ko rezolucia e barvalipaske-juristikane relaciengo thaj ko lačharipe e dživdipaskere kondiciengo. Dikhindoy specialuno dikhipe e dizutnenge kola, vash justifikuime sebepya, na resle te registrinen pe ano vahti e stipulime, thay on ka shay te keren odova ji pe 24. oktobri, kote ka denpe adekvatune dokumentacie.

 

Ministri Sofronijević sikavgja kaj lungaripe e agorutne diveseskoro si aver drom te sigurinen pe jekhutne hakaja sa dizutnenge.

 

“I them e Srbija si klaro decizirimi te sigurinel jekhutne hakaja sa e dizutnenge. Kanuni ‘Svoj na svome’ kamel te del juridikani siguriteta savorenge, bizi dikhindoj nacionaliteti jali religiaki afiliacia. Importantno si te khonik na ačhol avri taro akava procesi, odoleske, ko kooperacia e Nacionalno Konsileske Romano Nacionalno Minoriteti, amen pobuter informirina e dizutnen, kola na kergje ćaćes resle te den aplikàcie anθ-o vaxt savo si dino,” phendǎs o ministri.

 

Oy akcentingya kay palo procedura vash registripe thay registripe e hakayengo vash na-mizlo barvalipe, ka phiren aktivitetya vash planiripe e romane beshipasko, so si ini legaluni obligacia e lokalune korkoroortuipeske jekhinengo. Oy akcentingya ini kay pashe kooperacia e sa relevantune aktoryencar ka lolpe vash te zurarelpe institucionaluno suporti thay pachape mashkar themutne autoritetya thay romani komuniteta.

 

Prezidenti taro Nacionalno konsili taro Romano nacionalno minoriteti, Dalibor Nakić, naisara e ministreske bašo suporto thaj kooperacia, akcentirindoj kaj asavke inicijative isi len bari importanca bašo rromano komuniteti thaj olaki sasti socialno integracia.

 

Ano kedipe sine vi viceprezidenti e Nacionalune konsiliesko e Romane nacionalune minoritetesko Alisa Šajin, membro e konsilesko thay viceprezidenti e Beogradesko forosko asambleya Igor Jovanović, sar ini konsileri e Beogradesko forosko asambleya Nataša Tasić.

 

O.V.