"Romano Glaso Fest" pale anel romane artiston ando Glasgow
0
Vakti: 2 min.
O Ando Glaso Roma Fest festivalo vash e Romani kultura ka ikerelpe ano Glasgow, e programosa savo sikavela o barvalipe e Romane kulturako thaj kulturako barvalipe prekal e muzika, khelipe, edukacia thaj sasto vash e terne.
Foto: Ando Glaso Festival
Kado bershesko festivalo anel jekh programo shutino pe diferetni generaciji, thaj jekh specialno kotor avla shutino le ternenge. Prekal muzika, kheliba, workshopia thaj aver aktivitetia, terne kotorleutnen ka ovel len shaipe te prezentirinen pire talentia, numa thaj te sikljon kotar o kulturako barvalipe e javere romane komunitetengo.
O festivalosko programo kezdisarel pe vorbimasa thaj sesijenca dedikuime pala romano immaterialno kulturako barvalipe thaj lesko than ande edukacija. Specialno dikhibe ka del pe muzika, kheliba, čhib, oralno tradicija thaj droma savenca o kulturako barvalipe šaj te arakhel pe thaj te nakhel pe neve generacijenge.
Muzicno programo si te khidel khetanes romane artiston anda diferentne thana ande Europa. Performantura thaj grupi anda Rumunia, Tjeho, Slovakia, Ungro thaj Spania si te performulin, thaj vi romane muzikantura so adjes trajin thaj keren buchi ande Skottland.
O Ando Glaso Kolektivo, jekh maškarthemutno ansamblo savo anel khetane e romane muzikanton saven si averčhande thana, si les jekh specialno than ando programo. Lengi performanca ka reprezentirinel jekh vrjama khedipe e diferentno muzikalne tradicijenca konektirime e romane kulturasa.
Foto: Ando Glaso Festival
O festivalo ka ovel vi šajipe te prezentirinen pe terne artistora kotar i Skotska thaj aver thema, prekal jekh programo savo ka ovel muzika, kheliba thaj akanutne forme e artistikane ekspresiake.
O Ando Glaso Roma Fest si lansirime ko 2022 berš, thaj o festivalo si kotor taro Ando Glasosko majbaro buti bašo promoviribe e romane kulturako, te vazdel o talenti thaj te kerel than baši majbari participacija e Romenge ko kulturako thaj socijalno dživdipe ki Škotska.
O organizatora vakeren kaj res e festivalesko nane numa prezentiribe e artistikane kreativitetoskere, numa thaj arakhibe e kulturalno identiteteskoro, phanglipe e romane jekhinake thaj keripe e thanesko kote ka vakerel pes i romani kultura kotar e korkore romengi perspektiva.
Akale beršesko Ando Glaso Roma Fest sikavel pale jekh drom kaj i muzika, arto thaj kulturako barvalipe šaj te ovel zoralo drom te phandel pes e romane komunitetura, numa thaj sar pudo maškar e Roma thaj majbaro publiko.
O.V.