Pandž neve butjake thana e membrencar kotar o Roma thaj egipćansko komuniteti
0
Vakti: 2 min.
Pandž terne membria taro Romano thaj Egipćansko komuniteti ani Montenegro resle shaipe vash buti prekal programi vash suporti e butiako, kova implementingyola sar kotor e proyektesko kova si reslo vash te laqharel o romano entrepreneuripe thay inkluzipe ano marketi e butyako.
Foto: REDI
Pe akava okazia ikerdilo arakhadive ani Podgorica khedipe e reprezentyengo e instituciengo, organizaciengo thay grantesko beneficiariyengo, kote prezentingyola o rezultatya e programesko kova dela shaipe vash kreiripe e neve butyake thana vash terne manusha kotar o romane thay egipqanyune komunitetya.
Naisaras e suportoske dino katar o granto, o Erdi sas butjarno sar tehnikano vash o arakhipnaskoro thaj logistikane operacije, i Rabia sar žurnalistka thaj menadžeri e socialne medijengo, i Artemis sar operatorka vash o čistipe, i Afrodita sar operatorka vash o thud ki farma, a i Ardiana resljas buti sar asistento butjarni ki jekh tipografikani presa.
Foto: REDI
Kerdepe neve butyake thana prekal yekh programi dende vash registrime biznis entitetya kola silen membrya e komunitetyengo Roma thay Egipqanyune, sar ini kompanie kola kerena buti e membryen e akala komunitetyengo vash periodi may hari shov chon.
E butjarne save si andre ando programo resle finansijako suporto dži ko 5.000 eura te pokinen e košture e lovengo thaj e kontabilitetosko ano anglune pandž masek e butjako, a o obligacia te finansirinel o šovto čhon e butjako si asumirime kotar o butjarno.
Reprezentantia taro institucie thaj organizacie save len kotor ani implementacia e proektesko dine evaluacia kaj asavke programia reprezentinena importantno drom te tiknjarel pes o bibućaripe maškar o Roma thaj o Egipćanura, numa thaj te kerel pes majbut sastipaskere kondicie bašo olengiri ekonomikani integracia.
Foto: REDI
Ano kedipe mothavgyola kay butikeripe sito yek kotar sherune preduslovipya vash te laqharen o than e romane thay egipqanyune komunitetyengo, thay kay manglape te lolpe angleder programya kola dena zoralipe e butyarnengo vash te putren neve butyake thana thay te den shaipe e ternenge vash te len eksperienca e butyaki.
O proekti “EU suporti e REDI iniciativake, faza II: Lačharipe e romane pretpriemnipaske ano Zapadno Balkani thay Turkiya” implementingyola e suportencar e Evropaki Uniako, thay olesko res sito te vazdelpe yekh inkluzivuno marketi e butyako thay te zurarel o entrepreneuripe mashkar o Roma ano regioni.
Foto: REDI
O kotorleutne ano kedipe vakerde kay o rezultatya e programesko sikavela kay investipe ano butikeripe thay vazdipe e biznisesko kapacitetyengo shay te anel konkretune paruvipya ano jivdipe e ternengo, numay ini te kontribuinen vash may baro socialuno inkluzipe e komunitetyengo Roma thay Egipqanyune.
O.V.