I Zejna Murkić aćhili membro ano ERIAC: Jekh paso karing majbari vizibilitèta e rromane artosqi

Evropako Romano Instituti vash Arto thay Kultura (ERIAC) oficijalno vazdingya piri komuniteta e neve membroya – artistka Zejna Murkić. Kadja, i angluni kooperàcia sas vazdini k-o jekh maj ućo nivèlo thaj ćhudini anθ-o jekh lungo-vràmaqo partneripen savo reslăs te zurarel i akanutni rromani artoski sèna thaj laqi vizibilitèta anθ-o publikano than.

 

ERIAC si jekh maškarthemutni institucija dedikuime pala promocija thaj afirmacija pala romano arto thaj kultura, sar vi pala maripe mamuj stereotipura prekal akanutne kulturake praktike. O fokuso e bućako si prezentiribe e Romengoro kontribucija ko Evropake kulturalne valutura thaj keripe thanesko bašo jekhutno kotorleutnipe e Romane artisturengo pe bare scene.

 

I kooperàcia maśkar i Zejna Murkić thaj o ERIAC źal but vràma thaj anθ-e laθe si len but maśkarthemutne thaj regionàlo evenimentură. Lako performanso ko prestižno Rumuniako Atheneum ko Bukurešti ko vakti kana dende o prizo Taisa 2025, vash savo voj sine nominirimi, sikavel pes. Akala performanse si kotor taro majbaro angažmano savo si reslo te del zor e romane artistenge thaj olengere dignitetno reprezentacija.

 

Ano akava konteksti, ERIAC Srbiya dela pherdo suporti e Zejnake te lel kotor ano “Gila vash Eurovizia 2026”, kote ka prezentinel pe e gilya “Jugoslavia”.

 

“Sar artisti, mange si importantno kay miri buti te ovel la smislo avrial e scena - te dav kontribucia vash maybari vizibiliteta, hacharipe thay than vash o romano arto avdive. Dikhava ERIAC sar institucia kola vazdingyola odova than ano lungo vahti thay respozibilno, thay sium baripe kay sium kotor e bari familiyako”,vakergya o Zejna Murkić.

 

O ERIAC mothovel kaj akaja kolaboràcia źal maj dur katar individualne performànce thaj si kotor anθar jekh majbaro maripen vaś o prinźaripen e rromane artistikane laćhipnasqo.

 

“Kana o romane artistya lena than vash te dikhenpe thay te penjarelpe ano bare scene, odova nane numay olengo personaluno suksesi - odova si yekh paso angle vash o romano komuniteti, numay ini vash o sasto amalipe”,vakergya akting direktori. Ekzekutivuno direktori e ERIAC Srbiako, Bratislav Mitrović.

 

O ERIAC akcentirinela kaj ka lundjaren te den suporto e artistenge thaj kreativnenge kola pire butjasa putarena than e neve generacienge romane glasurenge thaj den kontribucia ko barjaripe e akanutne kulturake scenake ki Srbija thaj Evropa.

 

O.V.