Vakti: 1 min.
ROMANENEVIMATA ANDE SKORTI SELEKCIA VAŚ I EVROPAKO PRIZA ANDO JURNALISMO
Vakti: 1 min.
O portalo Romanenevimata, savo raportirinel pe romani čhib pale majimportantne socijalne pučhimata, sine šortlistirimo bašo prestižno Evropaki Excelencia ko žurnalistika 2026, savo si dendo taro Konsilo taro Evropa ano fremo e programesko bašo Roma thaj phirutne.
Foto-kolaž: Romanenevimata
O raportirimo video funkcija kerela buti e dživdipaskere pharipaske thaj sakodivesutno dživdipe e romane komunitetosko, anindoj autentikane paramiče manuša savenge glasura tikno drom šunen pe ko dominantno medije. Ekzaktno akava drom - bazirimo upral realno eksperienca, bizo sensacionalizmo thaj bizo stereotipia - sine pindžardo kotar e maškarthemutni ekspertno žuri, kote so inćarda i buti kotar o portalo Romanenevimat maškar o majbut pindžarde ko kompetiribe e žurnalistengo kotar e sasti Evropa.
Akava pindžaribe avela sar konfirmacia e butjako e redakciaki, savi taro 2023-to berš konzistentno kerel medijako than ki romani čhib, putarindoj teme save si importantno na numa e romane komunitetake, numa thaj e majbaro sasoitnipa. Prekal sakodivesutno raportiribe, o portalo zumavel te del kontribucia ko majbari vizibiliteta e Romengi, phagindoj e predrasude thaj zurarel o socijalno dialogo.
Te ovel pe skurto lista vash akava prizo si kotar specialno importanca dikhindoj kaj si jekh taro majimportantno Evropake prize ko umal e žurnalistikako savo kerel buti e situaciaja e Romengi thaj e phirutnenge. O prizo afirmisarel profesionalno, etikano thaj responsibilo raportiripe, sar vi inovativno drom te prezentirinel pes e teme save si butivar marginalizirime.
Vaś o Romanenevimat, akava si jekh dodalo incentivo vaś maj dur barjaripe e mediàqo sasto anθ-i rromani ćhib, numaj vi jekh śansa te zurarel pes i maśkarthemutni vizibilitèta thaj o netvorko e źurnalisturença thaj organizacienqe anθ-i sasti Evropa.
Priznajutne ka oven anavkerde ano solemno ceremonia organizirimi taro Konsilo e Evropako, a korkori i nominacia reprezentinela akana baro sukcesi thaj konfirmacia taro kvaliteti tari buti akale medijengi.
O.V.
Nevimata save si povezime
Reforme bizo ćaćimos: Jovanović kotar o Briseli palo sigjaripe e Srbijako Evropako drom
O nevo Evropako projekto ReIMAGINE inćarel jekh dialogo pal-i demokratikani memoria prekal o arto
EU thaj Evropako Konsilo: Romani edukacia ključno te marelpe kontra e diskriminacia
