Ikerdilo 11-to bešipe e Asambleako taro Nacionalno konsilo taro rromano nacionalno minoriteti

Ko vakti taro sesia sine rezumirimo o rezultati taro nakhlo beršesko buti so sine markirimo taro buteder aktivitetija ko umal taro sikljoviba, kultura, informacija, sar ini oficijalno upotreba tari romani čhib thaj alfabeti.

 

Ano raporti sikavela kaj ano 2025. berš, o Konsilo džal dureder te kerel kooperacia e republikane, pokrajinake thaj lokalno instituciencar, numa thaj e maškarthemutne organizaciencar thaj civilno amalipaske organizaciencar, resarinja te lačharel pe i pozicija e romane nacionalne minoriteteske.

Prezidenti e Konsilesko Dalibor Nakić vakergya kay ano nakhlo periodi sine markirimo kotar intenzivuno buti thay buteder iniciative kola resle te zorargyol e Konsilesko institucionaluno rola.

 

“Ano nakhlo berš kergjam buti te lačhara kooperacia e instituciencar ko sa o nivelia, numa thaj te čhinava neve programia save si importantno bašo rromano amalipa.Amaro res sito te sigurinas, prekal stabilno thaj odgovorno buti e Konsileske, kontinuiteto ano projektia save den kontribucia ki edukacia, kultura thaj informacia e Romenge, numa thaj olengo majbaro involviribe ano socialno dživdipe”, vakarga o Naćići.

 

Specialno dikhipe ano vakti e sesiako sine dedimo vash responsibilune thay transparentno finansikane operacie, sar ini vash zoralipe e organizaciake kapacitetyengo e Konsilesko, kova sito fundo vash stabiluno thay efikasno buti ano avutno periodi. E adoptuime butjake planura si resle te zuraren maj dur e institucionalno rola e Konsiloski thaj te vazden neve inicijative save ka den kontribucia vash maj baro jekhipe thaj socialno inkluzia.

 

Generalno Sekretari taro Konsilo, Bajram Morina, akcentirinela kaj si importantno te džala angle sistemsko drom ko resaribe pučipa save si importantno bašo romano amalipa.

 

“Konsili ka lundjarel te kerel buti te zurarel peske kapacitetia thaj te barjarel partnerikane relacie e instituciencar thaj organizaciencar save šaj te den kontribucia te lačharel pes i pozicija e Romenge. Specialno fokuso ka ovel ko programia save inkuražinen e ternenge edukacia, kulturako arakhipe thaj majbaro kotor e komunitetosko ano keripe e deciziengo,” vakarga i Morina.

 

Ano vahti e sesiako, o membrya e Asambleako sikavde baro niveli e angazhipesko thay gatisaripe vash te den kontribucia vash angleder vazdipe e Konsilesko prekal konstruktivuno dialogi. Avilo konkluzia kaj o Nacionalno Konsilo e Romane Nacionalno Minoritetosko majdur ka kerel buti sar patyivalo partneri e institucienge thaj zoralo suporto e romane komunitetake ko avutno periodi, resarindja te zurarel pes jekhipe, socijalno ćaćipe thaj sasti integracija ko socijalno dživdipe.

 

O.V.