Institucie thaj medie ki jekh mesala: Ikerdilo kruglo mesel pe medijako tasvir e Romengo
0
Vakti: 2 min.
Romane žurnalistia, redaktora taro majbut influentno portalura thaj reprezentatia taro ključne themeske institucie ka keren diskusia bašo xolibaskoro vakeribe, stereotipia thaj medijengi odgovornost upral o Romano komuniteti.
Foto: Romanenevimata
Ando lumia e palutne evenimenturengo ande medije, kana si o pučipe pala insulto thaj ciknjaripe e romane komunitetosko, e žurnalistura thaj e romane aktivistura line inicijativa te organizuin jekh kidipe savo ka putarel than pala diskusia e majimportantne institucienca. O gindo si te keren khetane te dikhen e aktualno situacia thaj te arakhen efektivne mekanismora te den atveto pe so maj frekventni kazura pe hatbrott thaj diskriminacia.
Sar organizacia savi lelape palo akava temato beršenca thaj aktivno del suporto e romane žurnalistengere butikeripaske, bičhaldilo akharipe te len kotor ki kruglo mesalja anavkerdi sar "Medium image e Romengo: kotar e Slovenia dži ki Srbija - xoljaripasko vakeribe, stereotipia thaj institucionalno odgovornost". O akharipe thaj o programo e temença sas dino e participanturenqe anθ-o phanglipe.
Ko kidipe adžikerel pe paše biš participantura, maškar lende ka oven romane žurnalistia thaj medijakere butjarne, membrura taro Nacionalno Asocijacija taro Romane žurnalistura, sar vi redaktoria taro portali Telegraf thaj Romanenevimata. Ka len kotor vi nekobor lokalno medijengo redaktora, reprezentatora katar institucije katar o Protektori e Rašutnengo andar Beograd, Novi Sad, Niš, Kragujevco thaj Žitišt, sar vi reprezentantia katar Protektoro e Rašutnengo katar AP Vojvodina, Protektoro e Rašutnengo katar e Republika Srbija thaj Komisaria pala Protekcia e Jekhethanimaski. Ko khedipe ka aven aktivistura thaj ambasadoria angažirime ko maripe mamuj diskriminacia thaj antiziganizmo.
O organizatorija vakerena kaj si but importantno te oven reprezentantia taro institucije ko akava khedipe, te šaj te sikaven solidariteti premalo romane žurnalistija kola pobuter dikhena pe insultija, bilačhipa thaj nasul vakeribe resle upral i romani komuniteta. Areslipe si te delpe suporto pala lengi buti prekal paruvipe e opiniako, eksperiencako thaj atitudinengo thaj te inkuražinelpe adekvatno institucionalno reakcija pe gasave fenomena.
O kedipe si planirimo pe parashtune, thaj o organiziribasko timo pachal kaj akava vakeribe ka ovel jek paso ko pošukar haćaripe, maj efektivno kooperacia thaj te lačharel pe o medijako tasvir e Romengo. Ko anav e organizaciake ekipake, o participantia thaj o gostura si bahtale pozdravime.
O.V.