Zuralipe e partneripasko palo pošukar than e Romengo ani Srbija

Foto: Romanenevimata

Prezidenti e Nacionalune konsiliesko e Romane nacionalune minoritetesko, Dalibor Nakić, thay o Generaluno Sekretari e Konsilesko, Bajram Morina, arakhlape e Ministria vash Manushikane thay Minoritetune Hakaya thay Socialuno Diyalog, Dema Berisha, resarindoy te laqharen o kooperaciya thay te zorargyon institucionalune partneripe ani buti vash te laqharen o than e Romengo ani Srbiya.

Ko vakti taro kedipe vakergjape konkretno pasura ko umal tari edukacia thaj buti, sar ini aktivitetija save si phangle e implementaciaja tari Strategija bašo socijalno inkluzija taro Roma thaj Romane džuvlja. Specialno akcento sasa thodino pe trubujipe pala majbaro bućaripe e uče edukuime membrjengo andar rromane amalipa ande publikane institucije, sar vi pe importanca katar lengo direktno involviripe ande procesurja keripe thaj monitoringo publikane politikengo.

Ola vakergje ini te lačharen o problemi taro bibućaripe personalno dokumentengo, sar ini te vazden o numero e džuvljikane sastipaskere medijatorengo thaj olengero sistemsko statusi ano Srbijako sastipasko sistemi.

Foto: Romanenevimata

Ministri Beriša akcentirinela kaj si but importantno te arakhel pe partnersko relacija e Nacionalno konsilesa e Romane nacionalno minoritetoske thaj sikavgja kaj res sa e aktivitetengo si te kerel pe sastipaskere solucije bašo problemija so arakhen pe e romane komuniteta. Ov vakergya kay kethane e kolaboratoryencar, ov sig te vizitinel komune thay distriktya ano sasto them vash te dikhel e situacia sa e nacionalune minoritetenge ano tereni.

Ministri vakergya pe godi palo paluno atakipe upral yekh romani familiya ano gav Tavnik pashe Kraljevo, kote vakergya kay asavko phiravipe sito naakceptipe, thay telal vakergya kay Srbiya sito demokratikuni phuv kote savore dizutne musay te hatyarenpe sigurune thay garavde.

Prezidenti e Konsilesko, Dalibor Nakić, akcentingya o vasnipe vash sakova dive suporti kotar o themutne institucie thay vakergya mangipe e Nacionalune Konsilesko vash te ovel aktivuno partneri ano realizipe e savore programyengo kola dena kontribucia vash te laqharen jivdipaske kondicie e Romengo ani Srbiya.

O kedipe maškar o sherutnipe taro Nacionalno konsilo e Romengo thaj Ministri Berisha sikavela kaj isi politikano mangipe te lačharel pe specifična problemia e romane jekhinake prekal dialogo, partneripe thaj institucionalno kooperacia. Jekh fokuso pe buti, edukacia thaj inkluzia e Rromengi ando anipe e decizjengo šaj te avel ključno pala čače paruvimata ande dživdipa e membronge kadale minoritetno komunitetosko.

O.V.