Foro Beograd kerel mehanizmura palo inkluzipe e Romengo prekal medije, edukacia thaj buti

Ano vahti kana o maripe mamuj o stereotipya thay promoviripe e yekhune shaipya siton sherune teme vash o sasto amalipe, o Foro Beograd sikavela piro mangipe vash aktivuno kontributi vash may baro inkluzipe e romane komunitetesko – anglunes kotar o zoralipe e mediengo vizibilitetesko thay konkretno institucionalune mere.

 

Amen diskutingyam vash o rola e mediengo ano odova procesi, sar ini vash o avutne pasya vash te laqhargyol o than e Romengo, e Igor Jovanovićeske, viceprezidento e Beogradesko Forosko Asambleya.

 

- Romano komuniteti ani Srbija panda na isi le jekhutno than ano publikano medijako diskursi, specijalno kana vakeras bašo nevipasko emisije thaj prezenca ko publikane servisia. Kerdo si nesavo progreso, numa naj dosta. Odoleske trubul majzoralo institucionalno suporto e romane medijenge – vakarga o Jovanović.

 

Oy akcentingya kay o foro Beograd penjarel o vasnipe e specializirime mediengo raportipe ani romani qhib thay vash romane teme, thay kay isi mangipe vash te defininelpe specifikune modelya vash o suporti prekal dialogi e komunitetyenge reprezentyencar thay mediengo butyarnengo.

 

- Foro Beogrado si putardo vash kooperacia thay mangela te kerel mehanizmi kola shay te keren may baro dikhipe thay duryaripe akale mediengo. Trubul te sigurinel pe permanentno suporto, prekal projektesko finansiripe, institucionalno kooperacia thaj inkluzia ano majbare kulturake thaj edukaciake programia - vakarga ov.

 

Jekh kotar e importantne pasura anketime si o adoptiribe e Kanunesko kotar o Fondo palo ekonomikano zoralipe e Romengo, savo ka del shaipe te finansirinel pes ververutne projektia - kotar e buti thaj edukacia dži ko medie thaj publikani promocia.

 

- Gndinav kaj o Kanuni bašo Fondi si but importantno, soske del šajipe te del pe dumo specifična inicijativenge save aven taro korkori romano jekhin. Na si numay puchipe vash finansikune azhutipe, numay semno kay sito pachape ano kapacitetya thay ideye kola avena kotar o may uqo than ano them -vakergya o Jovanović.

 

Vov vi akcentirindas importanca te educirinel pes generalno publika pala kontribucija e Romengo ande Srbijaki amalipa, kultura thaj historija, specialno atencija pe inkluzija e ternenge.

 

- Trubul te keras buti te paruvas o narativo. Amen na kera lafi bašo marginaluno grupa, numa bašo jekh komuniteti so si prezento ko Beograd ko šelberšipa thaj so si dujto majbaro an o foro, thaj so isi le vi vareso te vakerel thaj te sikavel. E terne roma musaj te djanen kaj o than lengere glasoske si odothe, thaj kaj si vrama te istemalkeren ole - konkludirinel o vice presidento taro forosko asamblje.

 

O Foro Beograd odolea anuncirinel strategikane boldipa kana si o pučipe te resel pe inkluzia - na numa prekal socijalno suporto, numa vi prekal kreiripe permanentno thaj sastipaskere solucijengo save šaj te keren aktivno participacija e Romenge ko publikano dživdipe.

 

O.V.