Ko Staro Sajmište sine markirimo o dive taro sedibe e Romane viktimenge taro nacistikane lagerija

O khedipe sas organizirimo ande kooperacija e Nacionalno konsilosa e Romane nacionalno minoritetosa, Evropako Romano Instituto pala Arto thaj Kultura Srbijako thaj e Muzeumo pala e Romani Kultura.

 

Komemorativno programo anela khetane reprezentantura taro institucije, romano komuniteti, historičara thaj dizutnen e resarinja te arakhel pe memorija e milje Romenge save mule ko vakti taro Dujto lumiako maripe ko nacistikane kampia ki teritorija taro Beograd.

 

O direktori taro "Staro Sajmište" Memorialno Centro, Dr. Krinka Vidaković Petrov vakergja angleder e publikake, kova sikavgja kaj i kultura e bisterdipaskiri si moralno obligacia taro moderno sasoitnipa.

 

- Te den pe godji pe romane viktimora naj ferik jek pushipe pa historia, ferik ke vi jek pushipe pa responsibilita karing le avutne generaciji. Amari devlipe sito te arakha o čačipe bašo dukh e bidoshale manušengo thaj te mara pe sakova forma tari diskriminacia thaj holipa”, vakarga Petrova.

 

Prezidenti taro Nacionalno konsilo taro Romano nacionalno minoriteti, Dalibor Nakić, akcentirinela kaj trubul o dukh e Romengo te astarel majbut dikhibasko than an i kolektivno memorija.

 

- Romane viktime kotar o Holokausto sine tikno reprezentirimo ano publikano than de dekada. Avdive isi amen obligacia te vakera bašo olengere dukh thaj te arakha o memoria taro manuša save sine mudarde numa sebepi olengere origina, vakarga o Nakić.

 

Direktori taro Evropako Romano Instituti bašo Arto thaj Kultura tari Srbia, Bratislav Mitrović, proceningja kaj i kultura tari memorija si importantno kotor bašo arakhibe e identitetesko e romane manušengo.

 

– Te bisterel pes o nakhlipe thaj te kultivirinel pes kultura e bisterdipnaski si ključno te haćarel pes i historija e Rromengi thaj te marel pes mamuj predrasude save panda isi akana, sikavgja o Mitrović.

 

O Miloš Acković, vice direktori taro Muzejo baši Romani Kultura vakergja bašo importantno dokumentiribe e Romane historijako.

 

- Sako anav, sako familija thaj sako viktimo meril te avel bisterdo. Amare si amari obligacia te arakha memorija e romane viktimenge prekal rodipe, muzejsko ekspozicie thaj publikane khedipa, vakarga o Acković.

 

Sar kotor taro programi sine kerdine lekcije taro historičari Dr. Milovan Pisari bašo dukh taro Roma ko kampi Topovska Šupa thaj taro Dr. Milan Koljanin bašo Roma ko kampi ko purano bazar. Vizitorenge isilen shaipe te dikhen i ekspozicija “Pecipe kotar o vakti: putaripe e garavdi historija kotar o genocidi mamuj o Roma”, savi sine prezentirimi kotar e ERIAC Srbija programesko menadžeri Nađa Greku.

 

O programo agorisalo e performancijasa e tradicionalne romane giljenca dedikerime e dukhasa e Romenge ko vakti taro Dujto Lumako Maribe, so dena patyiv e viktimenge thaj bičhalde mesažo kaj olengero destin nikana našti te bistrel pe.

 

O.V.