O fokuso si te phandel pes i edukacia thaj o arakhibe e terne Romengoro

O kedipe sine kerdo kotar o Ministeriumi vash Socialno Politika, Demografia thay Terne tari Utarali Makedonia.

 

Ko centro e diskusiako sas o arakhadimata kotar o regionalno raporto kotar e Fondacia vash e Romani Edukacia anavkerdo "Phandipe e edukaciako thaj e buchako", savo kerel buti e shajipena te lacharel pes o phanglipe mashkar e edukaciako sistemo, profesionalno treningo thaj o marketi e butjako, specialno referenca vash e pharipa savencar arakhen pes e terne Roma.

 

O kotorleutne diskutirinena specifikane publikane politikake mere save šaj te den kontribucia vash majlačho akceso ki edukacia, profesionalno treningo thaj buti, sar ini vash lačharipe e kooperaciako maškar kompetentno institucie. Specialno dikhipe si dino pe trubulipa e butjarnengo thaj pe šajimata te del pes maj lačho kvalitetno suporto e ternenge kana keren tranzicia katar edukaciako sistemo ki lumia e butjaki.

 

Jekh taro importantno teme sine o planirimo keripe e centrosko vash butikeripe thaj treningo ano Šuto Orizari, komuna ano Skopje kote isi baro kotor tari romani populacia. Akava centro trubul te del suporto e ternenge prekal mentoripe, profesionalno džanglipe, konsultacia thaj akceso ko verver profesionalno treningoske programura.

 

Areslipe e inicijativako si te tiknjarelpe o strukturalno pharipa savencar arakhenpe e terne Roma thaj te lačharelpe olengere šajdipa baši edukacia, te astaren kvalifikacie thaj te aven ko marketi e butjako prekal majzurali institucionalno kooperacia thaj specifična suportoske programia.

 

I kruglo mesalja sine organizirimi ano rango e regionalno programesko „EU Regionalno Akcija vash e Romani Edukacija: Baro Suporto vash Edukacija thaj Oportuniteti vash Romane Studentija ko Zapadno Balkani thaj Turkija” (RARE, dujto faza), finansirimo kotar e Evropaki Komisia prekal o Generalno Direktorati vash Buhljaripe thaj Istochno Mahala.

 

O.V.