Jekh lokalno strategija si o čaro bašo majšukar dživipen e Romenge

Ando Beograd ikerdilo o 16-to khedipe e Netvorkosko vash Romane puchimata kotar e Standno Konferencija e forenge thaj e komunengo (SKGO), kote so o teme kotar o strategikano planiribe ko nacionalno thaj lokalno nivelo sine fokuso e paneleskere diskusiengo.

 

Prezidenti taro Nacionalno konsilo taro Romano nacionalno minoriteti, Dalibor Nakić, sikavgja kaj ključno si konzistentno implementacija taro Nacionalno Strategije thaj Akcione Plania bašo inkluzija e Romengo, numa kaj o realno paruvipa keren pe precizno ko lokalno nivelo.

 

- “Trebulipe si kay lokalune korkorroortupya te gatisargyon thay te adoptinen strategikune dokumentya thay te ulaven fondya vash olengi implementipe. Bizo lokaluno suporti, na ka ovel progresi”,vakergya o Nakić.

 

Ov specijalno sikavgja o vasnipe e lokalno suportoske mehanizmesko - sikavno asistentia, sastipaskere medijatoria thaj lokalno koordinatora bašo romane pučiba - sar ključno aktora ko lačharipe e dživdipasko kvaliteto e romane komunitetosko.

 

- "Ola kerena buti ano tereni sako dive thaj majšukar džanena o čačutne trubujipa e komunitetake. Numay, ola arakhena pe seriozno problemya, sar so si naregulirimo statusi e butyako", vakergya o Nakić.

 

O kotorleutne taro kedipe dende ko jekhipe kaj o inkluzipe e Romengoro si procesi savo mangel kontinuiteti, odgovornost thaj intersektoralno kooperacija taro sa nivelia taro governipe. Nacionalno konsilo e Romengo akcentirinela kaj ačhola angažirimi ko kooperacia sa relevantno instituciencar thaj partnerencar, resarinja te kerel pe jekh societeta e jekhutne šajdipaske savorrenge.

 

O.V.