Vakti: 2 min.
Lačharipe e socijalno inkluzijako e Romengo ando fokuso e khetanimaske kedipasko e SKGO mrežengo
Vakti: 2 min.
Reprezentantura taro Nacionalno Konsilo taro Romano Nacionalno Minoriteti lije kotor an i diskusia bašo zoralipe e lokalno socialno protekciake politikengo thaj suporto bašo pharipaske grupe.
Foto: Romanenevimata
Reprezentantura kotar Nacionalno Konsilo Romano Nacionalno Minoriteti, Aleksandar Radulović thaj Alisa Šajn, lije kotor ano khetanipesko kedipe SKGO Netvorko vash Romane pučipa thaj Netvorko vash Socialno Protekcia, savo ikergja pe ano Beograd ani organizacia e Sasto Konferencijako e Forengo thaj Komune (SKGO), ano rango e proektesko "Supporto vash sastipasko arakhibe thaj socialno inkluzia ano komuniteti politike pe lokalno nivelo".
Ano introdukciako kotor e kedipasko, prezidento e Ekzekutivune bordesko e Nacionalune Konsilesko e Romane Nacionalune Minoritetengo, Aleksandar Radulović, vakergja e dizutnengo, kova akcentingya o vasnipe e diyalogesko, partneripesko thay mashkar-institucionalune kooperaciako vash te laqhargyol o than e Romengo thay Romane djuvljengo ani Srbiya.
“Adivesutno khedipe konfirmingya kay dialogi, partneripe thay interinstitucionaluno kooperacia siton mashkar may efektivune droma vash te laqharelpe pozicia e romane murshengi thay juvliaki ani Republika Srbiya”,vakergya o Radulović.
Foto: Romanenevimata
Ov akcentingya kay inkluzipe na manglape numay implementipe e individualune masurengo thay proyektyengo, numay kreiripe e yekhune shaipya vash siklipe, akseso vash sastipe thay socialuno arakhipe, butikeripe thay aktivuno kotorleipe ano jivdipe e lokalune komunitetyengo.
Pe vahti e kedipasko vakergyola teme kola siton vasne vash socialuno inkluzipe e vulnerabilune socialune grupengo, specialune referenca vash regionaluni kooperacia ano rig e socialune inkluziako thay migraciako, sar ini vash implementipe e Programesko vash reintegripe e irinde manushengo bazirimo ano Readmisiako Akordo vash periodi 2025-2026. berś.
O kotorleutne dende eksperienca thaj misal taro lačhi praktika e lokalno korkorroortuimaske ano kotora taro butikeribe thaj socijalno suporto, dži kote specialno dikhipe sine dendo ko lačharipe e socialno protekcijako sistemo ko lokalno nivelo, maškardepartamentalno kooperacija, vazdipe e servisengo ani komuniteta thaj gatisaribe bašo utiliziribe e lovengo taro Evropako Socialno Fondo.
Foto: Romanenevimata
Nacionalno konsilo Romano nacionalno minoriteti vakergja kaj asavke khedipa silen importantno rola ko zoralipe e kooperaciako maškar institucie thaj organizacie, paruvipe e eksperiencako thaj kreiribe maj efektivno solucie bašo lačharipe e Romengoro thaj romane džuvljango, sar ini aver socijalno senzitivno grupe.
Sar so si sikavdo, o Konsilo ka lundjarol aktivno te lel kotor ano inicijative save den kontribucia te vazden maj inkluzivno thaj ćaćutno amalipe sa e dizutnenge Srbijake ano avutno periodi.
O.V.
Nevimata save si povezime
Lačharipe e Romengoro pozicija prekal konkretno mere thaj projektia ko Zvezdara (VIDEO)
Internacionalno dive e Romengo: Mashkar historikani memoria thaj akanutno resipe
Bućaripe, nevo treningo thaj sastipe: Mesura katar o Beograd te lačharel pes i pozicija e Romenge
