Ikerdilo jekh workshop pa responsibilno raportiripe pe roma
0
Vakti: 2 min.
O drom sar e medije raportirinena pe romani komuniteta šaj signifikantno te kerel influenca ko formiribe e publikane atitudinengo, odolesqe si trubujipe e žurnalistenge te keren buti e temenca save si phangle e Romencar thaj e Romane džuvljencar profesionalno, responsibilno thaj bizo stereotipia.
Foto: Romanenevimata
Odova si jekh taro ključno mesažo taro butikeribe “Medijako Alfabetizacija thaj Medijako Raportiribe baši Romani Populacija”, savo sine organizirimo taro Romano Medijako Servisi (RMS) sar kotor taro proekti “Zorjarde Glasia e Romenge thaj Romane džuvljenge”, e suportosa taro Foro Beogrado thaj Sekretariati bašo Socialno Protekcija.
Ko workshopi lela khetane reprezentya kotar o institucie, medie thay civilune organizacie, kola diskutingyona vash o rola e mediengo ano maripe e diskriminaciako, vash te laqharen o mediengo alfabetizaciya thay te zoraren o profesionalune standardya kana raportingyona vash o membrya e romane nacionalune minoritetesko.
Foto: Romanenevimata
Specialno sama si dino pe žurnalistongi responsibilita te den e publikake sadržaji bazirime pe faktura, no vi te den kontribucija prekal piri buti te majbari vizibiliteta e pozitivne egzemplarengo katar e romani komuniteta – sukcesutne sikle thaj studentura, artistura, sportistura, entrepreneura thaj aver individue save den kontribucija ki amalipa pire butjasa.
Viceprezidenti e Beogradesko forosko asambleako, Igor Jovanović, vakarga kaj o foro Beograd ačhola angažirimo te del suporto e projekturenqe save den kontribucia vaš inkluzia thaj barabaripe sa e dizutnengo.
“Responsibilno informacia thay putardo dialogi siton ključno vash te vazdingyol yekh societeti kote savore dizune isilen yekhune shaipya. Odoleske amen ka lukhara te suportina proyektya kola vazdena toleranca, hacharipe thay barabaripe, soske numay te kera buti khetane shay te paruva o fundole predrasude”,vakergya o Jovanović.
Foto: Romanenevimata
Direktori thaj šerutno redaktori taro rromano medijako servisi, Ilija Stojanović, akcentirinela kaj res e projektesko si te šaj e terne romane murša thaj džuvlja te astaren nevo džanlipa thaj te len kotor pobuter aktivno an i medija thaj socijalno dživdipe.
“Kamas te zuraras e ternen te oven aktivne kreatora e medijakere sadržajengo thaj te den kontribucija pire butjasa ko maj objektivno thaj profesionalno raportiripe bašo rromano komuniteti. Kana si pobuter kvalitetno thaj čače paramiče an i medija, majtikno than si stereotipija thaj diskriminacija”, vakarga o Stojanović.
Foto: Romanenevimata
Pe vahti e butyako, o participantya ulade eksperienca vash o pharipa kola arakhena o zhurnalistya kana kerena raporti vash senzitivune socialune teme, konkluzia sito kay kontinuipe edukipe e mediengo butyarnengo sito yekh kotar o may vasne pashe vash te vazdel o kvaliteti e publikune informaciengo.
O kedipe ikergjape ano rami taro proekti "Zorjarde Glasia e Romenge thaj Romane džuvljenge", savo kamel te lačharel pe medijaki alfabetizacia, pobaro reprezentiribe e romane temengo ano publikano than thaj te inkuražinel pe aktivno participacia e Romenge thaj Romane džuvljenge an o medie thaj socialno dživdipe.
O.V.