Konferencia palo bućaripe e Romengo prekal treningo e šoferenge busoske ko 22-to majo ko Beograd

Pe parashtuj, 22-to majo, ando Beogrado forosko asamblea ka organizuilpe konferencija pe okazija katar prezentacija projektosko „Suporto thaj monitoringo studentonge andar romani komuniteta ando treningosko programo pale busoske šoferura“. O evento ka ovel ano tikno than e Beogradesko forosko asambleako, ka startinel ko 11 a.m.

 

Akaja konferenca si organizirimi taro Foro Beograd, savo implementirinel projekto „Džanibe te kerel buti – E2E“, PUK GSP “Beograd” thaj Humanitarno Centro Roma Obrenovac, po suporto taro maškarthemutne partneria thaj organizacie save kerena buti e promociasa tari buti thaj socijalno inkluzia taro vulnerabilno socijalno grupe.

 

Kamipe e proektesko si te del pe profesionalno treningo, mentoripe thaj suporto e membrenge tari romani komuniteta kola mangena te astaren kvalifikacie baši buti sar šoferi e busesko, numa thaj te ovel olen lokhes te oven len inkluzia ko marketi e butjako thaj lungo vramako butikeripe.

 

Pe vahti e konferenciako ka oven prezentirime modelya vash kooperacia mashkar institucie, edukaciake institucie thay civiluno sektori, sar ini suportune programya kola siton dende vash avutne trenerya. E participantura ka ovel len šajipe te ašunen pobuter bašo sićimasko proceso, bućarimasko šajipe andar o GSP, no vi o importanco katar terenosko bući thaj mentoripe ande bući e rromane komuniteta.

 

Igor Jovanović, viceprezidenti taro Beogrado forosko asamblea, sikavgja kaj o foro Beograd mangela te del konkretno suporto bašo butikeribe e membrencar taro rromano amalipa thaj olengo majbaro involviribe ko socijalno thaj ekonomikano dživdipe prekal gasave projektia.

 

“Akava si misal sar prekal khetanipe e instituciengo, publikune kompaniengo thaj civilune organizaciengo, amen šaj te putaras neve vudara e manušenge save mangena shaipe te keren buti thaj te progresirinen.Dio Beograd ka lundjarol te del suporto e projektenge save den kontribucia baši majbari socialno inkluzia thaj kreiripe e jekhutne šajipasko vash sa dizutne”, vakarga o Jovanović.

 

Ando introdukciako kotor e kidipnasko si planirime vakeribe e reprezentanturengo kotar e Ministeriumi bašo manušikane thaj minoritetenge hakaja thaj socijalno dialogo, foro Beograd, maškarthemutne organizacie thaj partnerikane institucie save len kotor ani realizacia e proektesko.

 

O organizatora mothoven kaj o projekto reprezentirinel importantno paso karing ekonomikano zuralipe e Romengo thaj keripe neve šajimasko palo profesionalno barjaripe thaj socijalno inkluzija.

 

“Edukacia thay butikeripe siton sherune faktora vash te laqharen o than e romane komunitetesko. Prekal programya sar akava, amen manga te da konkretno suporti e manushenge kola mangena te keren buti, te progresinen thay te sigurinen yekh may siguruno avutnipe vash peste thay olenge familiye”,vakergya ano anketipe e eventesko.

 

O.V.