Berisha putargya konferenca Dukh e Romengo ano vahti e konfliktesko ani Kosova thay Metohija
0
Vakti: 1 min.
Ministri vash manushikane thay minoritetyengo hakaya thay socialuno dialogi, Demo Beriša, sar dende sherunoministri e Srbiako, putargya konferenca “Dukh e Romengo ano vahti e konfliktesko ani Kosova thay Metohia” thay vakergya kay na manglape te bistrenpe o Roma kola jivdinena ani teritoria e judlune srbyune provinciyaki.
Foto: A.N.
“Ola, paše e Srbyune dizutnenge kola siton pobuter daravde ano odova than, siton ini ano ekstremno pharo pozicia thay olen manglape azhutipe thay suporti e Raipe Srbiako, kova lela pe janipe e importanca akale konferencako”,vakergya o Berisha, sar so dende pe janipe kotar o relevantuno ministri.
Ov vakergya kay Ministeriumi vash Manushikane thay Minoritetyengo Hakaya thay Socialuno Dialogi, sar ini korkoro Raipe e Srbiako, angleder ka den suporti e proyektyenge kola silen phanglipe e suportosa e romane nacionalune minoriteteske ano avutnipe.
“O roma siton amare phrala, amala e maripnaske thay komshiya. Amen manglape te azhutina olen kerindoj buti vash olengero butikeripe thay te inkludingyol ano savore socialune sfere thay te dena o mangle kondicie vash te laqharen olengi pozicia” konkludingya o Berisha.
O.V.