Delegacia taro Nacionalno Konsilo e Romengo tari Srbija an i Hrvatska

I delegacia tari Nacionalno Konsilo taro Romano Nacionalno Minoriteti sine ko bukjarno vizita ani Republika Hrvatska, kote kergje khedipe ano Hrvatsko Parlamenti e parlamentarno reprezentantoa taro Romano Nacionalno Minoriteti, Veljko Kajtazi, thaj reprezentencar tari Asociacia e Romenge ki Republika Hrvatska "KALI SARA", legaripa taro prezidenti Suzana Krčmar.

 

Ano kedipe avilo vi o vice-prezidenti tari Internacionalno Romani Unia tari Republika Polska, Karol Kwiatkovski, sar ini prezidenti taro Centro vash Implementacia e Romane Integraciaki ani Republika Hrvatska thaj Evropaki Unia, Ana Dalipovski, savi pale jekh ver konfirmingya o vasnipe e mashkarthemutne kooperaciako ano lacharipe e romane komunitetesko.

 

Ko vakti vakergja pe o šajipa bašo dureder zurjavipe e partneripasko maškar o romane institucie thaj organizacie an o regioni, specialno akcenti ko arakhibe taro romano kulturako thaj nacionalno identiteti. E khetanimaske kotorleutne diskutirinena khetane projektia an i rig e kulturaki, paruvipe e eksperiencako thaj lačhe praksako, sar ini inicijative save ka den kontribucia bašo majzoralo inkluzipe e Romengo ano socijalno thaj politikano dživdipe.

Specialno sama si dino pe arakhibe e kulturako te anel pe godi e dukh e Romenge ko Dujto Lumako Maripe. O vakeripe akcentingya kay manglape may dur te zurarelpe o kooperaciya e instituciyengo ano baryaripe e historikune memoriako, edukipe e terne generaciengo vash o dukh e Romengo ano Holokausti, sar ini khetane markipe e dukhipasko than.

 

Evaluiringjape kaj i kultura e memorijaki si jekh taro ključne elementia ko maripe mamuj diskriminacia, rasizmo thaj sa e forme taro natolerancija.

 

Sar kotor taro olengiri vizita ki Hrvatska, i delegacia taro Nacionalno konsilo taro Romano Nacionalno Minoriteti vizitingja ini ki komuna Marija Gorica, kote so dende luludja thaj dende piro patyiv e romane viktimenge save mule ko Dujto Lumako Maripe. Pe odova okazia, sikavgyola kay te arakhelpe o memoripe e bidoshale viktimengo reprezentinela yekh moraluno obligacia e akanutne thay avutne generaciengo, numay ini yekh vasno kontribucia vash te vazdel yekh societeta bazirimi pe chachipe, respekti vash manushikane hakaya thay yekh-averutno halyovipe.

 

Reprezentantura taro Nacionalno konsilo phende kaj ko avutno periodi ka lundjaren te buhljaren kooperacija e phanle instituciencar thaj organizaciencar ko regioni thaj ki Evropa, prekal khetani projektia thaj inicijative save si resle te arakhen i Romani kultura, te zuraren politikano reprezentativiteto thaj te lačharen i pozicija e Romengi ko sa kotora taro socijalno dživdipe.

 

I butjarni vizita an i Hrvatska pale jekhvar konfirmingja kaj jekhutno kooperacia, paruvipe e eksperiencako thaj khetani buti si ključno te vazden pes majzorale institucie thaj te keren pes majšukar kondicie bašo dživdipe e romane komunitetosko ano regioni.

 

O.V.