I Subotica kerel i angluni aaśkarthemutni romani teatraqi manifestacia
0
Vakti: 1 min.
Avdive ani Subotica, astarindoj taro 18 sahata., ka ikerel pe I Angluni Maškarthemutni Romani Teatrakiri Manifestacija organizirimi tari Artsko Asocijacija “Roma Scena tari Evropa”.
Foto: Romanenevimata
Kava importantno kulturako kedipe ka anel khetane šov teatrura andar nekobor Evropake thema, save sikaven pire kheliba pe rromani čhib.
O evento reprezentirinel jekh unikalno šajipe te prezentirinel pes o barvalipe e romane kulturako, te arakhel pes thaj te promovirinel pes i romani čhib, sar vi te afirmirinel pes i artistikani kreativiteta e romane autorengo thaj aktorengo.
Ko vakti e eventesko, e publika ka ovel la shaipe te sikljol kotar o diferentno teatralno ekspresie, teme thaj artistikane aprosura save sikaven o dzivdipe, tradicije thaj akanutne pharipa e romane komunitetosko ki sasti Evropa.
Participacija teatrosko ansamblurja andar averčhande thema del kontribucija te zurjavelpe kulturako kooperacija thaj paruvipe e eksperiencako maškar artistura, no vi pala majlačho jekhutno prindžaripe thaj haćaripe averčhande kulturengo.
Sar vakerena o organizatorija, o reslipe si te del pe ko majbaro vizibiliteti e romane artesko thaj kulturako, sar ini te del pe zor te barjarel pe teatralno kreativnost ki romani čhib. Ko jekh o evenimento reprezentirinel importantno drom te arakhel pes o kulturako identiteto e Romengo thaj te prezentirinel pes e generalno publikake.
Angluni maškarthemutni romani teatroski manifestacia ande Subotica adžikerel baro đindo e vizitorengo, fanura pala teatrosko arto, reprezentantura katar kulturake institucie thaj organizacie save keren buti po lačharipe e statusosko thaj kulturako e romane komunitetosko.
Prekal o anavkeribe e organizatorengo, o kedipe ka ovel sar tradicionalno kedipe savo ka kidel e Romane teatroske kerde manušen tari Evropa thaj o regioni sako berš.
O.V.