Promocia e Neđo Osmaneskere knjigake "Si zeleno, si zeleno, si lolo" ko Kher e Romane Kulturako HORC
0
Vakti: 2 min.
O Kher e Romane Kulturako HORC organizirinel promocija e knjigake "Si zeleno, si zeleno, si lolo" katar o Neđ Osman, jekh katar e majimportantne akanutne romane artistura, aktora, poetura thaj kulturake kreatora. I promocia ka ovel kerdini ko 10-to Juni 2026-to berś, katar o 8 p.m. ano lokalia taro Kher taro Romano Kultura, HORC.
Foto: Kher kotar romani kultura
Akava kulturako evento reprezentirinel but maj but katar i prezentàcia e neve knjigake. Ka ovel šajipe te arakhav e artistosa savo, ko vakti e dekadakere butjako, mukhla dukhado than ko teatrosko arto, literatura thaj arakhibe e romane kulturake identitetoskoro, vazdindoj pučipa maškar averčhande kulture thaj komunitetura ki sasti Evropa.
O Neđo Osman bijandilo ko 1958 berš ko Skopje, thaj si konsiderimo sar angluno profesionalno sikljardo romano aktori ki purani Jugoslavia. Vov agorisardas Akademija pala Teatro thaj Filmo ande Novi Sad ande klasa katar pindžardo aktoro Radet Šerbedžija. Vov astarda piri barvali artistikani karièra ando pinʒardo rromano teatro Pralipe, palo savo kerdǎs buteder pinʒarde rolǎ ando teatro KPGT andar i Subotica, and-o Srbikano Nacionalno Teatro and-o Novi Sad thaj and-o Jugoslavikano Dramako Teatro and-o Beograd.
Katar o 1995-to berš, khetanes e Nada Kokotovićesa, vov inćarel o teatro TKO ande Köln, kote kerel bući sar artistikano direktoro, direktoro thaj aktoro. Paše peski teatroski buti, vov sas angažirime vi ande žurnalistika, editirisardas radioske programura pe romani čhib pala o Radio Multi Kulti ando Berlin thaj Deutsche Welle ando Bonn. Sar poeto, tolmači thaj kulturako aktivisto, vo dedikisarda piro dživipen te barjarel e rromani kultura, čhib thaj arto.
Leske buća si publicirime ande Srbija, Nordutni Makedonia, Hrvatska, Turkija thaj Njamco, thaj pala lesko kontribucija ande kultura thaj arto vov lias but maškarthemutne pindžarimata thaj awardura.
O organizatora sikavena kaj i promocia e knjigake "Si zeleno, si zeleno, si lolo" reprezentirinel jekh unikalno šajipe e publikake te pindžarel e buti e avtoreski saveski buti markirinela nekobor dekada e romane kulturake scenake. Ano vakti kana e manušeske korena thaj kulturako barvalipe si butivar bisterde, evenimentura sar akava den amen godji e importanca te arakhas o identiteto thaj e valutura save phanden e generacije.
"Nashti te azhukeras e javeren te respektinen amen ako amen na respektina amen korkore thaj amari kultura. Ko bistrela pire korena na ka ovel les avutnipe", si o mesažo savo akompanirinel akaja promocija thaj sikavela o esencija taro Neđ Osman kreativnost.
O organizatorija akharen medijakere reprezentanten, kulturakere butjarnen, hramonen, studenton, sar ini sa e amalen e literaturake thaj artoske te aven ko akava kedipe thaj khetane te den patyiv jekhe majimportantno kreatorenge tari romani kultura avdive.
O.V.