Ano Nacionalno Teatiri markingyola o Dive e Pogripesko e martesko Pogromesko ano Kosovo

Ano kedipe sine kotor e reprezentyengo kotar e themutne institucie, diplomatikano korpusi thay Srbiyuni ortodoksuni khangeri, thay o komemoraciya lelape kotar adekvatuno kulturako thay artistikuno programi. O eventi organizingyola ano memoria e violenciako kova ikergyape ano marti 2004. bersh, kana srbyune civilyya sine atakuime ano nesave thana ani Kosova, barvalipya thay religiake khera sine phagerde.

 

Sherunoministri e Srbyako Đuro Macut thay prezidenti e Srbyako Progresivuno Partiako Miloš Vučević vakergya ano olengo vakeripe kay na manglape te bistrenpe o 2004. bersh thay Srbiya ka lundjarol te marelpe vash o chachipe, justicia thay protekciya e manushenge legalune thay diplomatikane droma.

 

Ani komemorativno akademija avile thaj reprezententia taro romano komuniteti. Ko anav e Nacionalno konsilesko e Romane nacionalno minoritetengo, ano kedipe sine kotorleutne e Konsileske, Jelena Jovanović, Membro e Parlamentesko taro AP Vojvodina, Dragan Đorđević, Prezidenti taro Informacijako Komiteti, sar ini o Željko Radu, Aktualno. direktoro katar o Kancelari palo inkluzipe e Romengo katar AP Vojvodina.

 

- Godipe e viktimengo taro martesko pogrom sito baro importantno, soske odova amenge počinela kobor si importantno te arakha o paćavipe, dialogo thaj jekhutno respekto maškar o manuša. Gasave evenimentia trubul te oven jekh akharipe kaj o maripe nikana na ka ovel pale, vakarga o Radu.

 

O dive e bisteripasko e martesko Pogromesko festuinelape sakova bersh sar memoria e dukhipasko thay persekuciako e Srbyune populaciako ani Kosova ano vahti e nasulipnasko kova iklilo ano 17. marti 2004. bersh.

 

O.V.