Mentalno sastipe thaj inkluzia e terne Romenge ando fokuso e panelesko ando Novi Sad

Ando fakulteto "Lazar Vrkatić" ando Novi Sad ikerdilo jekh panel diskusia anavkerdi sar "Katar rane dži ko suporto: mentalno sastipe, inkluzia thaj arto" kote so kidine khetane ekspertia taro kotora taro psihologia, psihoterapia, edukacia, socijalno thaj ternengo buti, sar ini reprezentatora taro institucie thaj civilno organizacie save kerena buti e ternencar, migrantencar thaj našutnenca.

 

O evento sas organizirimo sar kotor katar o projekto Erasmus+ "Kana e Rane (!) avena Arto", savo rodel sar e terne manuša katar e marginalizirime grupe ande sasti Evropa nakhen e identitetoske krize, e haćarimata te na aven kotor thaj e mentalno sastipaskere pharipa, numaj vi sar kadala eksperiencije šaj te paruven pes ande kreativno ekspresija thaj personalno barjaripe.

 

Mashkar o participantia kotar o paneli sine o aktuelno direktori kotar o Ofiso vash Romani Inkluzia, o Željko Radu, kova vakergya vash o vasnipe vash konektipe e Romane komunitetesko e instituciencar thay promoviripe e inkluzivune politikengo.

 

Ano piri prezentacia, Radu akcentingya kay may zorali kooperacia mashkar themutne institucie, edukaciake institucie thay civilune amalipaske organizacie sito musay vash te delpe terne manushen sigurune thana vash baryaripe, suporti thay aktivuno inkluzipe ano amalipe.

 

- E terne Roma, sar vi e javera marginalizirime grupe, musaj te haćaren kaj naj korkore thaj kaj e institucie egzistirin te den len suporto. Inkluzia nane numay pucipe e politikako, numay sito pucipe e patyavipasko, halyipesko thay khetani buti,vakergya o Radu.

 

E panelistura ulade eksperienca thaj egzamplura katar lačhi praktika, specialo fokuso pe rola e artosko, edukacia thaj informalne butjake metode te den suporto pala mentalno sastipe e ternenge.

 

O khedipe putarda than vash dialogo sar e skole, institucie thaj ekspertia khetane shaj te den kontribucia vash te kerel pes maj inkluzivno amalipa thaj te den majbaro suporto e terne Romenge, migrantonge thaj nashutnenge ano procesi e socialno inkluziako.

 

O.V.