Vakti: 2 min.
Katar projektura dži ko sistemura: Sar te lačharel pes o sikavipe e romane čhibjako ande Srbija
Vakti: 2 min.
Ano lokalia taro Nacionalno Konsilo taro Romano Nacionalno Minoriteti ikergjape socialno dialogo telal o anav "Sistematikano lačharipe taro statusi taro sikavne thaj sikavibe ki rromani čhib - taro projektesko rezultati dži sastipaskere solucie".
Foto: Romanenevimata
O kedipe realiziringyola sar kotor e proyektesko “Siklipe, hraminen thay ginaven e Romani qhib”, kova realizingyola kotar o Nacionaluno Asociipe e Sikavnengo e Romane qhibyako e suportosa kotar o Ministeriumi vash Manushikane thay Minoritetyengo Hakaya thay Socialuno Diyalogi.
Ano kedipe lela khetane reprezentya e kompetentune instituciyengo, e siklovipasko sistemi thay e romane komunitetyengo, resary te dikhen o sherune pharipa prekal yek putardo thay konstruktivuno dialogi thay te propozinen konkretune thay sastipaskere solucie vash te laqharen o siklipe e romane qhibyako.
Foto: Romanenevimata
Ando introdukciako kotor ažutimaske ministresko pala manušikane thaj minoriteturengo hakaja Stefan Srbljanović, Sofija Osmanović katar Ministeriumo pala manušikane thaj minoriteturengo hakaja, Vesna Acković katar Ministeriumo palo sićope, Zlatomir Jovanović katar Asocijacija pale Rromane Litora thaj prezidento katar Nacionalno Rromano Konsilo Naborlićiće.
Prezidenti taro Nacionalno Asocijacija taro rromane čhibjakere sikavne, Zdravka Simić, prezentirisarda rezultatia tari buti dži akana thaj akcentirinela o importanca taro maj dur buhljaripe akale sikljaripasko segmento.
Foto: Romanenevimata
“Amaro res sito te kera pošukar kvaliteti thaj maj aksesibilno sićope e romane čhibjako vaš majbut studentura prekal kontinuirano suporto e sikavnenge thaj lačharipe e programesko” vakarga o Simić.
Prezidenti taro Nacionalno konsilo taro Romano nacionalno minoriteti, Dalibor Nakić, akcentirinela o importantno te arakhel pe i čhib sar funda taro identiteti.
“Rromani čhib musay te ovel piro than ano siklipe. Odova si pučipe te arakhipe kultura, tradicija thaj identiteti e romane manušengo, numa ini importantno paso palo pobaro jekhipe”, vakarga o Nakić.
Foto: Romanenevimata
Sar kotor e butjako putargjape dialogo bašo ključne pučipa, maškar save si o pharipa te kerel pe anketa bašo fakultativno predmeti, trubujipe te vazdel pe o kovlipe e studentonge, sar ini pučipa e personalesko save inćaren adikeripe e treningosko thaj o angažmano e sikavnengo.
Specialno sama dende pe standardizacija taro sikavibe, kote so sine inicijative bašo introdukcija taro jekhutno plani taro buti thaj akreditirimo seminaria bašo sikavibaskoro metodologija tari rromani čhib.
Avilo konkluzia kaj si trubujipe te džal maj dur e sistemsko masurenca te šaj i rromani čhib te lel piro ćaćutno than ando sićimasko sistemo e Srbijako, na numaj sar fakultativno predmeto, no sar importantno stolpo pala arakhipe e kulturako identiteto e rromane komunitetosko.
O.V.
