Primipe ano Asamblea AP Vojvodina sar kotor taro masek taro rromano aktivizmo

Prezidento Asamblejako AP Vojvodinako, Balint Juhas, vakergja e delegacijasa taro Ofiso palo inkluzipe e Romengo, kote so kergjape taro aktuelno direktori Željko Radu thaj pokrajinako deputato thaj membro taro Nacionalno konsilo taro Romano nacionalno minoriteti, Jelena Jovanović.

 

Ano kedipe vakergja pe lačharipe e poziciako e romane komunitetosko, specialno fokuso ki edukacia, butikeripe thaj sistemsko suporto baši inkluzia.

 

O Juhas sikavgja kaj o Lumako dive e Romengo si importantno vakeribe na numa te diskutirinen o pharipa so arakhena pe o Roma, numa thaj te dikhen o resle rezultatia, majbut ko umal taro sićope, save resle naisaribe e afirmativne masurencar e institucienge.

 

O Radu akcentirinela kaj i romani komuniteta panda isi anglal buteder pharipa, numa kaj si inkurajirimo kotar o barjardo trendo kotar o numero e Romengo save hramonen thaj agorinen maškaruni thaj maj uči edukacia.

 

I Jelena Jovanović sikavgja kaj inicijativa te anel pes i romani čhib an o ofisionalno upotreba ka čhudel pe ko 15 gava an o deš komune, evaluirindoj ole sar historikano drom angleder baši romani komuniteta.

 

Pe agor e kidipnasko, e delegacia dende e prezidentosqe Juhas o flago e rromane nacionalne komunitetosqo, savo ka ovel sikavdo an-i Asamblea e AP Vojvodinaqi, paśal e flagoa e avere nacionalne komunitetenqe save si len pire konsile an-i pokrajina.

 

O.V.