Sofia kerel XV Lumako Romano Kongreso: Aźukerel pes maj but sar 300 delegatura andar opral 40 thema

Majbut se 300 delegatura taro pobuter se 40 thema adžikerena ko agor taro oktobri ani Sofia, kote ka ikerel pe o XV Lumako Romano Kongreso taro 29. dži ko 31. oktobri O organizatoria vakeren kaj ka len kotor ano kedipe reprezentantia taro maškarthemutne organizacie, romane institucie thaj civilno societeti tari Evropa thaj sasti lumia, e cilosa te definirinen pe komune prioritetia bašo avutno periodi. O kongreso si organizuime katar e Bulgariaki organizacia OGI E ROMENGO, savi si o sherutno o Toma Mladenov.

 

Sar vakarga e organizatorenge anavkeribe, o centralno khedipa ka keren pe ko Nacionalno Palato e Kulturako (NDK) ki Sofia, thaj maškar o šerutne teme ka ovel edukacia, buti, maripe mamuj diskriminacia thaj anticiganizmo, arakhibe e manušikane hakajengo, sar ini zoralipe e maškarthemutne kooperaciako e romane organizaciengo.

 

Specialno atencija ka del pe pozicija e terne Romenge, lačharindoj akceso ki edukacija thaj ko marketi e butjako, sar vi te dikhen pe neve modelura pala politikani reprezentacija e romane komunitetosko pe maškarthemutno nivelo. O organizatora vakergje prezentiribe nesave inicijativengo save si phangle e stipendijakere programencar, suporto bašo romano pretpriemnistvo thaj mere te čhinaven o nasul vakeribe.

 

Jekh taro teme so vazdel o majbaro intereso si anuncirime diskusia bašo dureder buhljaripe e maškarthemutne ROMANET mrežako, so e organizatora dikhen sar platforma bašo majzoralo phanglipe e romane organizaciengo thaj lačharipe olengiri participacia ko keripe e decizjengo ko Evropako thaj lumjako nivelo.

 

Ano palune masekya, aktivitetya kola silen phanglipe e gatisaripea e Kongresesko siton intenzivime ano socialune netvorkya. Sas publicirime registracie thaj fotografie katar e khedipa e organizaciake komitetosko, konsultacie e reprezentanturenca katar maškarthemutne institucie thaj diplomatikano korpo, sar vi akharipe e romane organizaciengo katar averčhande thema te len than ande kava khedipe.

 

Lumako Romano kongresi isi olen lungo tradicija savi djal kotar o 1971 bersh, kana ikerdilo o Angluno Lumako Romano Kongreso ko London, kote sine adoptirimo o Romano flago thaj himna “Djelem, đelem”.

 

O organizatorija taro kedipe ki Sofia mothoven kaj o akava beršesko kongresi reprezentirinel kontinuipe tari odoja tradicija thaj šajipe te del pes reslipe ko akanutne pharipa savencar arakhena pes e Romane komuniteta ki sasti lumia.

 

Aźukerel pes kaj o agorutno programo e Kongresosqo, i lista e vorbitorenqi thaj e delegacienqe save ka reprezentisaren pire thema thaj organizacie anθ-o akava maśkarthemutno kidipe ka oven ankliste anθ-e avutne ćhona.

 

O.V.