Forumo palo socijalno dialogo ando Beograd
0
Vakti: 1 min.
Kooperacija maškar institucije thaj civilno sektoro si ključno palo lačharipe e dizutnengo hakajengo.
Foto: Skupštgina foreski kotar Beogard
Forumi „Afirmacia e socijalno dijalogesko ani lokalno komuniteta” ikergjape ano kher e Beogradesko forosko asambleako, kote lelape khetane reprezentya kotar foroske institucie, sekretariatya, foroske komune thay organizaciye e civilune amalipaske resle resle eksperiencake thay diskutingyola vash lacharipe e manushikane thay minoritetengo hakayengo.
Foto: Skupštgina foreski kotar Beogard
O kedipe sine kerdo kotar o Viceprezidenti kotar Beogrado forosko Asambleya, Igor Jovanović, kova kethane e Ministria vash Manushikane thay Minoritetyengo Hakaya thay Socialuno Diyalog, Demo Beriša, vakergya e kotorleutnenca vash o vasnipe vash zoralipe e kooperaciako mashkar o institucie thay lokalune komunitetya.
Pe vahti e forumesko mothavgyola kay socialuno diyalog sito yekh vasno mehanizmi vash te pindžarelpe o problemya kola o dizutne arakhena sako dive, sar ini vash te arakha solucie kola ka den kontribucia vash te laqharen o pozicia e ververutne socialune grupengo.
- Beograd, sar majbari lokalno korkorroortuimaski jekhin an i Srbija, isi le specialno odgovornost te kerel socijalno inkluzijake politike thaj te ovel misal bašo lačhi kooperacija maškar institucije, lokalno korkoroortuipe thaj civilno amalipa. Majbut si importantno te pindžaras trubujipa e dizutnenge ano lokalno nivelo thaj te kera buti te lačharel pe pozicija e vulnerabilno socijalne kupenge, thaj vi e romane komuniteta, vakarga o Jovanović.
Foto: Skupštgina foreski kotar Beogard
Vov majdur phenda kaj khedipa sar akava si shaipe te aven konkretno propozalura thaj solucie prekal putardo vakeripe thaj paruvipe e eksperiencako savo shaj te del kontribucia vash maj lacho jivdipasko kvaliteto vash sa e citizentura.
O forumi nakhla ani atmosfera e konstruktivno dialogesko, a o kotorleutne dende pe godi kay duryaripe e kooperaciako mashkar o institucie, lokalune korkorroortune thay civilune organizacie sito sheruno vash te laqharen o manushikane thay minoritetyengo hakaya ani Srbiya.
O.V.