O Romano akademsko krugo rodel drom ko nevo alosaribe bašo Nacionalno romano konsilo
0
Vakti: 2 min.
O romano akademikano krugo akharda e kandidaton taro jekhutni deklaririmi alusaribaski lista bašo Nacionalno konsilo taro rromano nacionalno minoriteti te, te sine kaj ka alusaren pe ko alusariba ko 8. Novembro, voluntarno te nakhen pire mandatia thaj te na len kotor an i konstitucia taro nevo konvokacia taro akava trupo.
Foto: Romski akademski krug
Akaja inicijativa, vakeren ola, si zumavipe te arakhel pes i demokratikani legitimiteta taro Nacionalno Konsilo thaj o hakaj e romane jekhinake ko politikano pluralizmo.
Ano avdivesko anketipe e romane akademikune krugesko evaluinela kay o fakti kay numay yekh lista lela kotor ano alosaripya – “Jekhutne Roma vash yekhutni Srbiya – Dejan Vlajković” seriozune anela ano pucipe shaipe vash slobodno politikune alosaripya. Pala lengo dikhipe, e Rromane alosara naj len šajipe te alosaren maškar diferentne politikane opcie, programura thaj reprezentantura.
„O hakaj te alosarel pes bizo šajipe te kerel pes čačutno alosaribe nane sasti politikani demokratia“ vakerel o Romano Akademsko Krugo.
Akaja organizacia gndinela kay volonterune te nakhen o mandati e kandidatesko kotar o anunsirime lista ka reprezentinel yekh akto e politikune responsibilitetesko thay yekh klaro mesazhi kay o reprezentativuno organi nashti te ovel pherdo demokratikani legitimiteti te sine kay o komuniteti na sinelen yekh realuno shaipe vash te alosarel.
O romano akademsko krugo sikavel vi šajipe te startuil pes procedura savi šaj te anel neve alosarimata. Pala lengi interpretacia, o zakono dikhel anglal o phagavipe e nacionalno konsilosko te na kerel pes jekh nevo konvokacia ande 30 divesa katar o determinacia e agorutne alosarimaske rezultaturengo.
Ko Nacionalno Konsilo e Romengo si 35 džene, thaj te šaj te anel pe decizia, premalo generalno regule, trubul te ovel majbut 18 džene. Numaj, sar so si sikavdo kotar o Romano akademikano krugo, o kanuni na kerel eksplicitno regulacia e aplikaciaki e kvorumesko kana konfirmirinel pes o mandati, niti si sasto klaro dali šaj te del pes mandato vi avere kandidaturenge kotar i sasti lista ako nesave kandidatia na kamen te akceptirinen len.
Vaš akala juristikane ambiguitetura, o romano akademikano krugo akcentirinela kaj o nakhavipe e mandatosko na ka ovel automatikane phagavipe e Nacionalno Konsilosko, numaj šaj te putarel o pučipe bašo pherdipe e legalno mangipnasko vash oleski konstitucia thaj te trigerinel e akcija e kompetentno instituciengo.
O zakono del šajipe te phagel pes o Konsilo te na alosarel pes lesko prezidento ande 30 divesa katar lesko konstitucia. Palo disolucia planirinel pe te ikerel pe ekstraordinarno alosaribe prekal o Alosaripe.
Ko agorutno kotor anavipasko, o Romano Akademikano Krugo akharela e kandidaton te thon o interesia e Rromane manušengo anglal pire personalno politikane pozicije thaj te na den legitimiteto e alosaribaske proceseske kote so, prekal olengere gndipa, na sine realno šajipe te kerel pes politikano alosaribe.
Kale akharipesa lel nevi dimenzia o debato palo alosaripe palo Nacionalno konsilo e Romengo. Palo pučipe palo regulariteti e kandidaturako thaj politikano pluralizmo, avela anglal o pučipe palo respodipe e avutne membronge e Konsilesko, sar ini šajipe te reselpe nevo alosaribaskoro procesi prekal o egzistuime legalno mehanizmija.
"Akava nane pučipe bašo personalno interesia jali politikane konfliktia. Akava si pučipe bašo politikane hakaja e naciake, olakoro hakaj bašo pluralizmo thaj šajipe te kerel independentno decizia bašo piro avutnipe" vakergja o Romano Akademsko Krugo.
O.V.