Trubul maj zurale mesura vash egaliteto thaj ekonomikano zuralipe

Viceprezidento e Nacionalune konsiliesko e Romane nacionalune minoritetengo, Alisa Shain, lela kotor ano kedipe “Dialogi vash lačharipe e poziciako e džuvljengo save peren e nacionalne minoritetenge”, savo sine organizirimo kotar o Komisari vash arakhibe e Jekhethanipasko resarindo te putarel pe diskusia vash o pharipa, trubujipa thay shaipe vash te lacharel o pozicia e džuvljangi kotar e minoritetya ani Srbia.

 

Ano diyalogi lela khetane reprezentya e nacionalune konsilyengo e nacionalune minoritetyengo, sar ini relevantune institucie kola kerena buti e arakhipnasa e manushikane hakayengo, egaliteti mashkar o manusha thay o maripe e diskriminaciako. E participantura sas len šajipe te paruven eksperienca, te sikaven e problemura savenca e džuvlja katar e minoritetne komunitetura arakhen sakodives thaj te den propozalo konkretno pasura te lačharen piri pozicija.

 

O kedipe putargjape kotar o komisari bašo arakhibe e barabaripasko Milan Antonijević thaj Angela Longo šerutni e Departamentesko bašo kooperacia ano kotor taro maripe e diskriminacijako taro Konsilo Evropako, kola dende akcenti tari importanca e khetani akcijaki e institucijengi thaj nacionalne konsilencar ko kreiripe e sasoiteteskoro e jekhutne šajdipaske sa e dizutnenge.

 

Butjarno kotor e kidipnasko sas dedikuime te diskutirinel pes i percepcia e barabaripaski maškar e džuvlja save si ande nacionalne minoritetura, lengere eksperienca, numaj vi e specifična pharipa savencar arakhen pes ko ververutne kotora e socialno dživdipaske. Specialo atencija del pes po problemo e stereotipurengo thaj predrasudengo, save vi akana reprezentuin sar obstakulo pala sasti socialo inkluzia e džuvljengo andar e minoriteturenge komunitetura.

 

E kotorleutne sikavde vi o trubulipe pala majzoralo ekonomikano zuralipe e džuvljengo, sar vi lengo maj aktivno involviripe ande decizjengo proceso, ande bući katar e nacionalne konsilura thaj lokalne korkorroortuimaske organurja. Sikavdo sas kaj majbari reprezentacia e džuvljangi ande decizjake pozicie šaj del kontribucia pala maj efikasno solucia pala e problemura savenca si e membrura nacionale minoriteturengo.

 

Jekh kotar e konkluzia e kedipaske si te kerolpe rodipe mashkar e djuvlja kotar e minoritetne komunitetia. Ani akaya okazia, yekh pucipe kova si kerdo vash o qhavore kotar olenge komunitetya ka ovel dende vash sa e nacionalune konsilya, vash te kidenpe relevantune data vash olenge pozicia, eksperienca thay mangipya.

 

E kidine atùnćimata ka aven sar baza vaś te keren pes rekomodacie save ka aven thodine anθ-o Specialo Raporto e Komisariaqo vaś i Protekcia e Jekhutnesqi pal-i diskriminàcia bazirime anθ-i nacia thaj etnikano avindipe. Aźukerel pes kaj e rekomodacie ka den kontribucia te keren pes maj efektivne politike thaj mere save si resle te lačharen pes e džuvljenge save si ande nacionalne minoritetura ande Srbija.

 

I participacia e reprezentanturengi kotar o Nacionalno konsilo e Romengo ko akava khedipe pale jekh drom konfirmingja o importanca taro kontinuirimo dialogo thaj kooperacia maškar institucie thaj minoritetne komunitetia ko maripe bašo barabaripe, majbari participacia e džuvljengi ko publikano dživdipe thaj kreiripe e societatesko bizo diskriminacia.

 

O.V.