Mentoripe sar drom vash majbari vizibiliteta e džuvljengi ki societeta

Prekal o paruvipe e džanlipasko, e eksperiencako thaj e suportosko maškar e džuvlja katar e diferentne generacije, kerel pes jekh than e patjako thaj konkretno instrumentura save ažutin te progresirinel pes thaj majbari participacija ande socialne fluksura.Prekal o mentoring relacia, e džuvlja len šajipe te len patjaimo ande peste, te barjaren e publikane vakeribaske džanglimata thaj te sikljon katar maj but eksperiencakere liderura, a e mentorura inspiririnen e javeren katar olengero egzamplo thaj inkuražin e solidariteta maškar e džuvlja.

 

“Mentoripe nane numa te delpe džanglipe, numa suporto savo del e džuvljenge patjavipe te paćanen pe peste thaj pe pire śajutnimata” phenel i mentorka Svetlana Ilić.

 

"Kana e čhaja thaj e džuvlja dikhen kaj vareko patyal ande lende, von maj lokho decidin te len o angluno paso karing edukacia thaj buti," voj majdur phenel.

 

O mentoripe si specialno importantno pala e Rromane čhaja thaj džuvlja, save butivar arakhen pe buteder diskriminacija, ekonomikane bariere thaj limitirime akceso pe edukacija.

 

Bute lendar, akava tip e suportosko reprezentil jekh ključno punkto e paruvipnasko – jekh śansa te barjarel pes o śajutno śajutnipen, te arakhel pes suksesutne źene save nakhle sa kadja pharipa, thaj te astarel pes o źanipen savo na si len ano lenqo ambiènto.

 

“Majimportantno si kaj e čhaja len o haćaripe kaj si len alosaripe thaj kaj lengo glaso gindil” sikavel o Ilić.

 

O projèkto "Zurali źuvli - maj laćhi komunitèta thaj famìlia" si bazime p-o jekh kasavo modelo e suportosqo, kasqo res si majbari participàcia e źuvlěnqi anθ-o politikano thaj publiko źivdipen. O projekto inćarel edukacie, publikane debate, khedipa e džuvlikane liderencar thaj aktivitetura save si len o ciljo te vazden e komunikaciake thaj liderikane džanglimata, te šaj e džuvlja te oven maj sekurno thaj maj dikhline ando societeto.

 

O fokuso si vi pe džuvlja andar marginalizirime grupe, ande lende vi Rromane čhaja thaj džuvlja, pala save o suporto si specijalno importantno sebepi e pharipa savenca arakhen pe sako dive. Prezentiribe pozitivno misal taro džuvlikane romane lideria bičhalel pe o mesažo kaj o džanipe, kvaliteti thaj dedikeripe nane len granice thaj kaj svako džuvli šaj te del kontribucia ko barjaripe pire komunitetosko.

 

"Kana jekh źuvli resljarel, voj putarel o vudar vaś aver - kodo si o ćàso e mentoringosqo," phenel o mentoro.

 

O promoviripe e suksesutne paramičengo e džuvljengo save so aba inkerde paruvimata ande piro ambiènto reprezentisarel o agorutno thaj maj importanto kotor e projèktosqo. Lengo eksperienca konfirmil kaj o perzistencija, solidarnost thaj personalno inicijativa shaj te oven zuralo drom vash socialno paruvipe thaj te inkurajin e javere džuvljen te džan ko drom e edukaciako, lideripe thaj aktivno participacia ko publikano dzivdipe.

 

O.V.