Romane antreprenoria startuinen o angluno klasteri ano umal e zeleno aktivitetengo (VIDEO)
0
Vakti: 1 min.
Netvorkingo, khetani sikavipe pe marketi thaj buhljaripe sastipaskere biznis modelengo sine fokusi e konferenciake “Konektiribe vash sastipasko biznisi: keripe e klasterengo ano umal e sastipasko, ekologiako thaj recikliribasko”, ikerdilo ano lokalia e Evropako Romano Instituti vash Arti thaj Kultura Srbiaki – REDI.
Foto: Romanenevimata
O evento anela khetane romane antreprenoren, reprezentjen taro institucije, ekspertia thaj organizacije save so kerena buti e ekonomikane zuraribaja e Romenge, areslipaja te kerel pe kondicie baši formacija taro angluno klasteri taro Romano Biznis Klube ko sektori taro zeleno aktivitetija.
Foto: Romanenevimata
E participantura dikle kaj e cikne antreprenoria butivar arakhen pes e pharipaske sar so si limitirime akceso ko bazari, bi biznis kontaktia thaj maj tikni vizibiliteta, sostar i asocijacia prekal jekh klasteri reprezentil importantno paso karing lengo zuralipe thaj lungo vramako barjaripe.
Operativno direktorka e REDI Srbiaki, Barbara Jovanović, sikavgja kaj res e inicijativako sito te kerel pe sastipasko netvorko e antreprenerengo savo ka del šajipe te kerel pe majšukar kooperacia, paruvipe e eksperiencako thaj khetani aplikacia vaš neve biznis šajipa.
Foto: Romanenevimata
Koordinatori Romane Biznis Klubesko, Žarko Savić, vakergja ini palo importanca e konekciaki, akcentirindoj kaj jekh khetani performanca šaj te del kontribucia baši majbari kompetitivnost e kompanijenge, numa thaj te lačharelpe kvaliteti e servisengo save dena membria taro klaster.
Specialno akcento ano vaxt e konferenciako sas thodino pe edukacia thaj barjaripe e biznismengo. Lektorka ano “Akademac” Univerziteti Sanida Samardžić sikavgja o vasnipe taro kontinuirimo treningo thaj profesionalno suporto sar ključno faktora bašo suksesuno biznisi ko moderno marketikere kondicie.
Foto: Romanenevimata
Sar si pe anketipe e organizatorengo, avutne pasura ka oven resle vash te vazden o netvorko e membronge, te vazden khetane projektya thay te zuraren o kapacitetya e antrepreneryengo kola kerena buti ano thana e qhigodyako, ekologiako thay reciklipe.
I konferencia sikavgja kaj si baro intereso bašo akava tip e kooperaciako, thaj o kotorleutne dine evaluacia kaj o klasteri šaj te ovel importantno mehanizmo bašo barjaripe taro romano pretpriemnistvo thaj kreiribe neve ekonomikane šajdipaske ko sektori taro zeleno ekonomia.
undefined
O.V.