Nacionalno Asocijacija e Romane Žurnalistongi (NARON)
0
Vakti: 2 min.
(NARON) si bahtalo te prezentirinel o Groove Room, jekh inovativno podkast formato savo kamel te vazdel e kultura, o ćaćipe, o dialogo thaj e pozitivne misalura katar e romani komuniteta, numaj vi te kerel jekh than kote so e manuša pindžaren jekh avres prekal autentikane paramiče, arto thaj źivdipnaske eksperiencije.
Foto: Milorad Popović
Groove Room nane klasikano medijako sasto. Si jekh moderno platforma savi, prekal e vorbimata vash e muzika, kultura, sporto, filmo thaj publikano dzivdipe, putarel importantno teme, xasarel e predrasude thaj afirmirinel e realno valutura. O podcast sine kerdo sar modeli vash majbari vizibiliteta e Romane murshengi thay zhuvlyaki, numay ini sar yekh brodo vash hacharipe mashkar komunitetya, generaciye thay diferentno kulturake eksperienca.
Groove Room-esko specijalno fokuso si pe promocia e kulturake areslimaski, personalno suksesoske paramičenge, numa vi te vakerel pes ćaćes kotar e pharipa savencar si e romane komuniteta. Prekal akava formati o NARON mangela te sikavel kaj o Roma si aktivno kreatori taro sasoitnipa, portreti tari kultura, džanlipa thaj pozitivno paruvipa, thaj na numa tema savi so vakerel pe bizo olengo glaso.
Lansirindoj o podkast, i Nacionalno Asocijacia e Romane Žurnalisturenqi źal maj dur piri misija profesionalno, responsibilo thaj etikano źurnalistika, sikavindoj misal sar e medije śaj te den kontribucia vaś o ćaćipen, digniteto thaj jekhutno xatjaripen.
Vakeras amaro specijalno baht e portaleske Telegraf.rs, sar vi e žurnalistoske/redaktoreske Igor Ćuzović, savo peske kontinuirime thaj profesionalno bućasa del kontribucija pe jekh maj realno, justo thaj pozitivno tasvir e romane muršengo thaj džuvljengo ande Republika Srbija sako dive. Editiribe e Romana Nevimata ando fremo lengere kheresko si jasno sikavipe kaj ki Srbija isi panda etikane kode thaj odola so dena kontribucija ko zurjavipe e romane komunitetosko. Lengo suporto thaj putardipe vash e teme save si len socialo importanca reprezentin jekh importantno kontribucia vash jekh responsibilo medijako than.
Groove Room si akharipe te aśunes, te haćares thaj te arakhes tut.
Jekh than kote so i kultura vakerel, o ćaćipen si les glaso, thaj o dialogo avela jekh khetani vlàda.
Palo o timo savo groovel ki soba, Goran Vasić, Ljiljana Dimić, Milorad Popović thaj Strahinja Lukić - Groove Room.
Nacionalno Asociacia e Romane Žurnalistongi (NARON)
Milorad Popović