Terne romane murša thaj džuvlja dine paso ande medijaki lumia

Pe savato, 15. Novembri, ani redakcia Telegraf ikerdilo o angluno workshopi andar o proekti "Mediumsko shkola vash terne Roma thay Romane zhuvlya", kote o participantya lelape intenzivuno treningya vash mediengo alfabetizaciya, zhurnalistika thay kreiripe e digitalune kontentesko.

 

O projekto realizuinel pes e suportosa katar o foro Novi Sad, savo pindžardas e importanca te del pes jekhutne šajimata e ternenge katar e romani komuniteta, maj but ande thana katar publikano ekspresija, digitalno džanglipe thaj medijaki reprezentacija.

 

Ko angluno workshopo, e participantura sas len shaipe te pindžaren e procesura palal o profesionalno žurnalistika prekal teoretikane lekcije thaj praktikano buti. E terne manuša sikljon sar keren pes e medijake mesažura, sar te pindžaren e bi lačhe informacije thaj e manipulacije, thaj sar te resen e medijake sadržaja responsibilno ande jekh vrama savi si pherdi informacijasa. O fokuso sas vi pe teknike vash o xramosaripe e nevimasko, intervju, video registracia, editiribe thaj profesionalno hasnipe e aparaturengo – katar e kamere thaj mikrofoni dži ko video produkciako softveri.

 

Akaja inicijativa si specijalno importantno soske terne romane murša thaj džuvlja tikno drom len šajipe te den andre ande redakcia thaj direktno te pindžaren e medijaki buti. O programo kamel te paruvel kodo patreto - te del zor e ternenge te reprezentulin pe, pengi komuniteta thaj e pushimata so si lenge importantni. Ano sasto procesi, o kotorleutne ka keren buti vash te keren tekstya, videoya thay anketipya vash socialune netvorkya, kote ka inkurainen olengi vizibiliteta thay prezenca ano publikuno than, numay ini o maripe vash negativno stereotipya thay nasul vakeripya.

 

E anglune impresie katar e participantura sikaven kaj o projekto aba kerel rezultatura.

 

“Angluno drom sine man shaipe te sikljovav direktno ano baro redakcia. Xatyarav kobor sito vash o terne kotar amaro komuniteti te penjaren o chache nevipya thay korkore te keren kontenti. Akava sito baro incentivi vash mande”,vakergya Tamara Jovanović.

I Danijela Ibisevic akcentirinela kaj o praktikano kotor e treningosko si majbut olake sar sa aver:

 

"So maj but drago sas mange sas ke sigo kerdam buchi pe konkretno buchi - te ramosaras, te skirisaras thaj te analizisaras mediake mesazhura. Kado projekto puterdas mange o vudar ande zhurnalistikaki luma."

 

I Lana Ilić, savi angluno drom arakhlja profesionalno ekipamento, majbut akcentirinela o importanca taro akava tip e edukaciako:

 

"Siklilem sar te hasnarav kamera, sar te kerav intervju thaj sar te pindžarav e manipulàcia anθ-i mèdia. Me hatǎrav ke muro glaso akana si les zor."

 

Dzi ko agor e Decembrosko akava bersh, o participantia ka džan maj dur te nakhen kotar e tematikane jekhina save inkliste e baza e medijaki alfabetizaciaki, žurnalistikane raportiribaske tehnike, registracia thaj editiribe, responsibilo hasnipe e socialne mrežengo thaj haćaripe e nasulimasko ano digitalno than. Lengi buti ka ovel prezentirimi pe partnersko platforme, so maj dur inkuražinel olengero involviribe, vizibiliteto thaj kontribucia ko publikano diskursi.

 

Angluno workshop sikavgja kobor potencijalno isi akava vrjama programesko, numa thaj kobor si importantno te putaren pe o vudara e terne membronge tari romani komuniteta. O projèkto "Mediaqi śkòla vaś e terne rroma thaj e rromane źene" źal maj dur e intenzivne workshopença thaj jekh mentoringosqo programo, e resarindoj te vazdel pes jekh nevi generacia terne manuśenqi savi korkorre, profesionalo thaj śukar ka aven ani lumja e medienqi.

 

O.V.