Ministerialno khedipe ani Tirana sikavgja tikno progresi ani romani inkluzia
0
Vakti: 2 min.
Ano ministresko khedipe kova ikergyape arakhadive ani Tirana, reprezentya e thagaripnaske taro rashutne Balkaneske thema diskutingyona vash o progresi kova kergya ji akana ano kotor e romane inkluziako. Vi te si registrime varesave laćhe ćhinadimata, ginavel pes kaj o gin e Rromenqo save si len ćaćutne laćhipenata katar e gavermentosqe programură si inke but tikno, kana o sasto progreso si brigako tikno.
Foto: Romet Rogner
Pe piro vakeribe, o Željko Jovanović, direktoro kotar e Fondacija putarde societatea vash o Vestuno Balkano thaj jekh kotar e majbut influentno Evropake glasura kana kerel pes lafi vash e Romani politika, phenda kaj o inkluzipe e Romengo si jekh puchipe savo djal but maj dur kotar e socijalno dimenzija — si strategikano preduslovo vash ekonomikano trajo thaj barjaripe e regionosko.
“Raipena manglape te haćaren kaj investiribe ano Roma na sito ćhinavipe, numay investicia ano avutnipe e Radutne Balkanesko. Odova manglape politikuno mangipe, khetani vizia thay mangipe vash te ulaven o respozibiliteti mashkar savore sektoria”,vakergya o Jovanović,thay vakergya kay numay ano sistemikune kooperacia savore ministryengo thay instituciengo shay te reslol o regioni realune rezultatya.
Foto: Romet Rogner
Vov vi akcentirindas kaj o investiribe ki edukacia, buti thaj barjaripe e śajutnimatenqo si o ćaćipen vaś jekh śukar thaj ćaćutno progreso, thaj kaj "e ćaćutne liderura sajekh thoven o intereso e komunitetosqo anglal e personalne thaj politikane kalkulàcie."
Ano kedipe sine vi o Petre Florin Manole, ministri vash buti e Rumuniako, kova vakergya kay vash o progresi ano akava than manglape mobilizipe e saste gavermentesko, soske o relevantune ministriya kola kerena buti e romane pucipya na silen dosta politikane vay finansikane instrumentya vash te independentune implementinen o paruvipya.
Naisaripe e inicijativake e Gavermentosqo e Jekhethaneske thagaripnasko, angluno drom formalno phangle ministrikane khedipa vash e Roma thaj e ekonomia, so sas evaluime sar importantno drom angleder te haljovel pes o fakto kaj e socialo inkluzia thaj o ekonomikano barjaripe si jekh avresqe naśti te ulaven pes procesura.
Akava phiripe reprezentirinel zoralo politikano signali thaj konfirmacia kaj o Romano pučipe ačhilo sar integralno kotor tari Evropaki agenda vash barjaripe thaj integracia. Kodo si ekzaktno vizia savi o Željko Jovanović beršenca advocirinel - vizia ande savi e romani komuniteta naj pasivno beneficiari pala ažutipe, numaj aktivno partneri ande formiribe e regionosko avutnipe.
Foto: Romet Rogner
Vakergyola kay ano avutno kurko ano London ka ikergyol yekh kedipe e ekonomiake ministryencar, kote ka kontrolinelpe dali sitoy yekh chachi politikani volya vash te realizingyol o mangle paruvipya ani praktika.
O kedipe ani Tirana ikergya pe ano fremi e procesesko Berlinesko, thay o kotorleutne resle ano yekhipe kay Evropako avutnipe e Radutne Balkanesko nashti te egzistirinel bizo sasto inkluzipe e Romengo – na numay sar socialuni obligacia, numay sar funda e khetane barvalipaske.
O.V.