Vakti: 1 min.
Evropake barvalipa thaj khetanipe si ando fokuso e Evropako divesesko festuipe ando Beograd
Vakti: 1 min.
Pe dive e Evropako, ano Muzeumi vash akanutno arto ano Beogradi, adikergyape formaluno primipe organizimo kotar e Delegacia e Evropaki Uniaki ani Srbiya, kote lela kotor buteder reprezentya e themeske instituciyengo, diplomatikane korpusesko, nacionalune konsilyengo e nacionalune minoritetyengo, religiune komunitetyengo, sar ini publikuno thay politikuno jivdipe.
Foto: Romanenevimata
Mashkar o gosti sine o Prezidenti e Nacionalune Konsiliako e Romane Nacionalune Minoritetesko, Dalibor Nakić, kova avilo ano kedipe dedikimo vash promoviripe e Evropake barvalipasko, kooperacia thay yekh-averutno hacharipe.
Foto: Romanenevimata
Ani ceremonia sine ini sherunoministri e Srbiako Đuro Macut, prezidento e Nacionalune Asambleako e Republikako Srbiako Ana Brnabić, ministri vash avrune bukya Marko Đurić, sar ini buteder reprezentya e diplomatikane misiyengo thay mashkarthemutne organizaciyengo.
Foto: Romanenevimata
O dive e Evropako tradicionalno festuinela pe ano sasto kontinenti prekal ververutne kulturake, edukaciake thay diverzitetune eventya, e resleya te anen o ideye vash yekhipe, solidariteti thay Evropaki kooperacia may pashe e dizutnenge. O programo ano Beograd nakhla ano festivo atmosfera, e mesažencar kotar o dijalogo, konekcia thaj jekhutno respekto.
O.V.
Nevimata save si povezime
I inkluzia trubul te ovel o standardo, na o isklučipe
I Federacia e Vaterpoloski e Srbiaki dende respodipe e Sumnakune Delfinenge e deklaràciaça
Ćaćes źi ko agor ko 39-to Beogrado Maratono
