Vakti: 1 min.
Igor Jovanović: I zeleno tranzicia musay te ovel shansa ini vash o romano komuniteti
Vakti: 1 min.
Arachi ano Beograd ikergya pe kruglo mesali ano anav "Zeleno tranzicia thay pozicia e Romengo ano marketi e butyako" kote lela kotor o viceprezidenti e Beogradesko dizutnengo Igor Jovanović. O kidipe sas organizirimo pe akharipe e Evropako Konsilo andar o programo savo kadi organizacia implementiril khetanes e Evropaki Uniasa.
Foto: Romanenevimata
Ko vakti e diskusiako vakergje bašo pharipa thaj šajdipa so anel o zeleno tranzicia, sar ini droma te ovel maj aktivno kotor e romane komunitetake ano marketi e butjako. Pe odova okazia, Jovanović sikavgja kaj o foro Beograd akana kerela buti upral mere save si resle te keren buti e socijalno vulnerabilno thaj marginalizirime grupenge.
- Foro Beograd intenzivno kerela buti palo bućaripe e socijalno phare kategorijengo thaj marginalizirime grupengo, soske bizo olengo sasto involvipe nane lačho barjaripe e amalipako, vakarga o Jovanović bašo portali Telegraf.
Foto: Romanenevimata
Ov akcentingya kay romani populacia ano sheruno foro reprezentinela signifikantno potenciali kana vakergyola vash butikeripe thay manushikane resursya, thay kay sito reslipe e instituciengo te penjaren odova potenciali thay te suportinen ole konkretune masurenca.
- I romani populacia an o Beograd reprezentinela seriozno potencijali kana si lafi baši butjarni zor thaj manušikane resursia, thaj si pe amende te pindžaras odova potencijali thaj konkretno te suportirina ole. Zeleno tranzicia musay te ovel shaipe vash savore thay shansa vash yekhuno baryaripe e amalipako,vakergya o Jovanović.
Foto: Romanenevimata
Ov vakergya kay vash te reslol duryaripesko reslipe, sito vasno te ovel partneripe mashkar o institucie thay civiluno sektori, sar ini mangipe vash te reslol o problemya responsibiluno thay bizo phanglipe.
O.V.
Nevimata save si povezime
Forumo palo socijalno dialogo ando Beograd
O NARON zurales krisarel o profanipe e memorijake plaketako palo Dušan Jovanović
Iv thaj shil ani Srbia kotar akava dive: Akate so shaj te aźukerel pes ko nevo berś
