Vakti: 1 min.
O NARON zurales krisarel o profanipe e memorijake plaketako palo Dušan Jovanović
Vakti: 1 min.
Nacionalno Asocijacia e Romane žurnalistenge (NARON) zorales krisirinel o vandalistikano thaj but dehumanizirimo akti te profanirinel pe memorijaki plaketa e Dušan Jovanovićeske an o parko savo phirel oleskoro anav, čhavoro brutalno mudardo ano centro e Beogradosko numa sebepi olesko avindipe.
Foto: MIlorad Popović
Sar so si precizno thaj šukar formulirime kotar e Tamara Tripić:
"Tu thoves ćororipe pe jekh memoraciaki plaka, jekh xarnipen kaj e ćorore ando forosko centro brutalno mudarde jekh ćhavo anda lengo 'origin' thaj palal so, tu źas khere, ćumides e daja vaj e ćhaves, pućhes so si te xas thaj phenes ke san manuš?!"
Akava nane "incidento". Akava si jekh mesažo. O mesažo kaj o anti-Ciganizmo ando Beograd na sas hasardo, kaj o lafi thaj o rasizmo nane marginalo fenomeno thaj kaj vi dekada palo odova, o bilačhipe mamuj jekh romano čhavoro nane ladžav vash nesave, numa okazia vash nevo violencia, simbolikano, numa but traumatikano.
O ćorripe e memorialosqo vaś jekh ćhavo savo sas mudardo katar o xoli reprezentisarel jekh atako pe memoria, digniteto thaj bazake civilizaciaqe valutură. Vov si vi direktno indikatoro pala o bi-lačhipe e instituciengo te keren kontinuiteto thaj seriozno buti te čhinaven o rasizmo thaj o ekstremizmo.
Foto: Milorad Jovanović
O NARON mangel: sigo identifikacia thaj krisaripe kodolenge save si responsibilno, publikano thaj bi-dujdipasko krisaripe kadale aktosko katar sa e relevantne institucie, vazdine protekciake mere pala memorijake thana e viktimenge katar o bilačhipe, sistematikano maripe mamuj o anti-Ciganizmo prekal edukacia, medije thaj publikane politike.
Baro vakti si kaj o Beograd, sar sherutni foro, te ačhol te toleririnel o xoli mamuj o Roma, jali prekal ćućipe, relativizacija jali bibućaripe.
Jekh foro savo na arakhel e memorija e mudarde čhavoreski na arakhel ni pesko avutnipe. O maripe mamuj o rasizmo nane deklaracia, numa obligacia. O ćućipe si kompliciripe.
Nacionalno Asocijacija Romane Žurnalistonge
Nevimata save si povezime
Iv thaj shil ani Srbia kotar akava dive: Akate so shaj te aźukerel pes ko nevo berś
Jekh memoria savi phandel: Roma telal o sasto cheri e historijako thaj e dukh
I Diana Hrka kerda bokhasko strejko angla Parlamento ando Beogrado
