Mentalno sastipe thaj inkluzia e terne Romenge ando fokuso jekhe panelosko diskusiako ande Subotica

Duyto paneli vakerdilo anav "Katar scarya ji ko suporti: mentaluno sastipe, inkluzipe thay arto" adikergya pe savato, 23. May, ani Subotica, kote lela kotorleipe e reprezentyengo e instituciengo, ekspertyengo ano rig e mentalune sastipasko thay organizacie kola kerena buti e ternencar thay marginalizirime grupencar.

 

 

I diskusia sas organizuime andar o projèkto Erasmus+ "Kana le Rane (!) aven Arto", savo kerel i investigàcia sar le ternimata andar le marginalizirime komunitètură anθ-i sasti Evropa nakhen le krize le prinźaripnasqe thaj le mentalone sastipasqe, sar vi sar le eksperiencurǎ le ekskluziaqe śaj te aven paruvde anθ-i kreativo ekspresia thaj zuralipen le personalone identitetosqo.

 

Ano paneli lela kotor ekspertya kotar o kotor e psihologiako, psihoterapiako, edukaciako, socialuno thay ternengo buti, sar ini reprezentya kotar o civiluno amalipe thay institucie kola silen kotor ano suporti e terne Romengo, migrantyengo thay nashutnenge.

 

Ano kedipe avilo vi o aktuelno direktori taro ofiso baši romani inkluzia Željko Radu, kova vakergja bašo importanca tari romani inkluzia thaj zoralipe e kooperaciako e instituciencar. Pe odova okazia, ov sikavgya kay o koordinirimo akcia e themeskere instituciengo, edukaciake instituciengo thay civilune societateskere organizaciengo sito musay vash te delpe e ternenge sigurune thay inkurajipesko thana vash o baryaripe, e specialune fokusesko vash te laqharelpe o mentaluno sastipe thay socialuno inkluzipe.

 

I paneloski diskusia delas than vash o paruvipe e eksperiencako, misal vash lache praktike thaj ekspertno rekomodacie, numa vi putarda importantno teme sar e shkole, institucie thaj organizacie shaj khetane te den kontribucia vash maj lacho inkluzipe e terne Romengo, migrantonge thaj nashutnenge prekal edukacia, arto thaj informalno forme e suportoske.

 

O.V.