Pokrajinako gavermento majdur del zoralo suporto pala inkluzia e Rromengi ande Vojvodina

Pokrajinako gavermento majdur ka del zoralo suporto palo lačharipe pozicijako rromano amalipe ande Vojvodina prekal neve projektura, edukacijake programura thaj mere save den kontribucija pala pherdi socijalno inkluzija e Rromengi.

 

Odova konfirmingja pe ko khedipe maškar o aktuelno direktori taro ofiso bašo inkluzija e romane Željko Radu thaj o viceprezidenti pokrajinako gavermento Sandra Božić, kote vakergja pe bašo rezultatia dži akana, numa thaj avutne aktivitetija so resle te lačharen o kvaliteti e dzivdipasko e membronge taro romano nacionalno komuniteti.

 

Jekh kotar o centralno teme kidipaske sasa o avutno jubileo - duj deše beršengo buti kotar o Kancelari palo inkluzipe e Romengo, institucija savi ko nakhle 20 berša sasa bari rola ko realiziribe e politikengo save si resle ko sićope, buti, bešipe thaj socijalno integracija e Rromengi ki Vojvodina.

 

Ko vakti e vakeribasko vakergjape o trubulipe te džal maj dur te kerel pe investicie an i edukacia e terne Romenge, sar jekh taro ključne faktora bašo olengiri sukcesutni integracia thaj jekhutni participacia an o sasoitnipa. Specijalno sama si dino te del pes suporto e studenturenge save phiren ande klasurja pe rromani čhib, sar vi te keren pes dodatne šajimata pala lengo akademikano lačharipe thaj profesionalno barjaripe.

 

E interlokutora vakerde vi te lačharel pes ekonomikani pozicija e romane džuvljengi trujal e programura save den suporto e džuvljikane entrepreneuripeske. Sas evaluime kaj o zoralipe e džuvljengo reprezentirinel jekh katar e importantne pasura karing o zuralipe e saste romane komunitetosko, thaj kaj trubul te džal maj dur e inicijativenca save inkurajinen lengi ekonomikani independenca thaj majbut aktivno inkluzija ande socialne fluksura.

 

Ko kidipe vakargja pe inicijativa te putarel pe lokalno thaj regionalno centrija taro Kancelari palo inkluzipe e Romengo an i sasti Vojvodina. Areslipe akale idejako si te kerel pe servisia thaj suportoske programia maj aksesibilno e dizutnenge ko lokalno nivelo, sar ini te lačharel pe kooperacia e lokalno korkorroortuimaske jekhinencar thaj aver relevantne instituciencar.

 

Viceprezidenti Pokrajinako gavermento, Sandra Božić, sikavgja kaj pokrajinako gavermento ka ačhol angažirimo palo realiziribe masurengo save den kontribucia ko lačharipe e pozicijako e Romengo ko avutno periodi, akcentirindoj i importanca taro partnersko pristapipe ko reslipe e čhinadipaske save si anglal o Romano komuniteti.

 

Ando kidipe avilas vi pokrajinako deputato Jelena Jovanović, sar vi reprezentanto katar Nacionalno konsilo Rromane nacionalno minoritetosko, Stevan Jovanović, savo dine suporto e inicijativenge save kamen te zuraren maj dur institucionalno suporto pala Rroma thaj te lačharen lengi socijalno inkluzija.

 

O kotorleutne taro kedipe dende ko jekhipe kaj edukacia, ekonomikano zoralipe, arakhibe e identiteteskoro thaj barjaripe e institucionalno suportosko si ključne preduslove te kerel pe jekh societeta e jekhutne šajdipaske, an o Roma ka ovel len šajipe te den kontribucia ko barjaripe e komunitetosko thaj sastipaskere sastipaskere.

 

O.V.