E sikle kotar o Bački Monoštor avile ko Novi Sad o ofiso vash inkluzija e Romane

Akompanirime taro sikavno Ivan Petrović, o sikle ko akava sikavno vizita sine len šajdipe te pindžaren i buti akale institucijaki thaj o aktivitetija so kerena pe po drom te lačharel pe i pozicija e romane jekhinake.

 

Ko vakti tari vizita o reprezentantia taro ofiso taro Romano inkluzija prezentirinde e siklen e programencar thaj projektencar so realizirinen pe ko umal taro sikljoviba, buti, socijalno arakhibe thaj prezervacija taro kulturako identiteti e Romengo. Specialno akcenti sine thodino pe importanca tari edukacia sar jekh taro ključna faktora bašo lačharipe pozicija taro romano amalipa, numa thaj thaj bašo arakhibe tari romani čhib, kultura thaj tradicija.

 

E studentura sikavde baro intereso pale teme save si ande relacija pala historija thaj kultura e Rromengi, sar vi pale aktivitetura save kerena o Ofiso ande kooperacija e institucijenca, civilno amalipeske organizacienca thaj lokalne komuniteturenca. Sikavdilo kaj asavke vizite silen importantno rola te den zor e ternenge te oven maj aktivno ande socialno procesia thaj te den kontribucia ko barjaripe e korkore komunitetosko.

 

Angleder te vizitinen o Ofiso vash Romano Inkluzipe, o sikle beshle ani fundavno shkola “Dušan Radović” ano Novi Sad, kote lela kotor ano workshopi anavkerdo “pindžarde Roma thaj olengere bukja”. O ciljo e butjarnengo sine te džanel pes e studenton ko signifikantno figuri kotar e Romani kultura, arto, džanglipe thaj publikano dživdipe, sar vi olengero kontribucija ko barjaripe e societatosko.

 

Prekal interaktivo buti thaj vakeribe, e siklen sine len shaipe te sikljon maj but bašo prominentno individue so mukhle semno semno ko verver kotora taro socijalno dživdipe, so maj dur stimulirinela e siklengero intereso bašo rromani kultura thaj historija.

 

Akaja vizita si kotor taro majbaro edukativno pristapiribe so si reslo te promovirinel i romani čhib, kultura thaj identiteti, sar ini te zurarel interkulturako haćaripe thaj respekti bašo diverziteti. E sikle andine penca neve džanlipa thaj eksperienca kotar o Novi Sad, so, sar so sikavgje, ka ovel lenge importantno ko dureder sikljovipe thaj te pindžaren piro korkoro kulturako barvalipe.

 

O.V.