E romane djuvlja zuraren piro glaso: E Romnja del zor e terne djuvljenge te keren aktivizmo

Asociàcia “Amari phuv” andar i Ćuprija, aźutipnaça katar nesave organizàcie andar o Balkani, realizuil o projèkto “Empowered śaj te kerel sa”, savo kamel te del zor e rromane źuvljenqe vaś publikani advokàcia, respekto pal-i diverzitèta thaj jekhutno akceso k-e xakaja, sar and-i rromani komunitèta, vi anθ-o sasto societèto.

 

Pe kurko, 19-to Novembro, sas kerdo aver ande jekh serija workshopura dedikuime ka-i tema publikani advokàcia — jekh rig savi si krujal vaś o barjaripe e aktivizmosqo thaj e lideripenqo maśkar e rromane źene. Prekal jekh interaktivo drom, e kotorleutnen sas len šajipe te sikljon so si publikani advokacija, sar si aplicirime thaj kana si majbut trubujipe e romane komunitetake.

 

Treneri Svetlana Ilić pashiringya ani tema prekal konkretune misalya, mashkar kola ulavgya iniciativa vash te phergyol o anav e parkosko ani Slavija ano “Dušan Jovanović Park”, sar zoralo misal vash civiluno angazhipe thay maripe vash violencia thay diskriminacia.

 

Ano vahti e workshopesko, terne participantya kotar ververutne forya e Srbiyake thay regionya sinelen shaipe te ulaven pere eksperienca thay impresie vash so siklile. Lengere deklaràcie maj miśto sikaven kobor si importanto gasave programură.

 

I Marijana kotar o Niš vakerel kaj o workshopi putarda lake jekh pherdo nevi perspektiva:

 

"Me realizuindem kaj o publikano advokati nane rezervirimo numa bašo bare organizacie. Amen e terne Romane džuvlja šaj vi te inicirinela vareso ki amari komuniteta."

 

I Selma kotar o Sarajevo vakerel kaj akava proekti phandel la e kolegencar kotar o regioni:

 

"O maj lacho kotor si o hatjaripe e komunitetosko. Me realizisardem kaj gasave problemura si repetirime sako than, thaj kaj amen savore inkras e zor vash paruvipe."

 

I Teodora kotar o Skopje, savi si aktivno ko školako parlamento, vakerel kaj o workshopi dela la praktično džanlipa:

 

"Siklilem sar te prezentirinav e problemura e romane studentonge thaj sar te vakerav jasno anglal jekh grupa."

 

Ivana kotar o Beograd dikhel o workshopi sar incentivo vash majbaro personalno involvipe:

 

"Me dikhlem kaj amen na trubul te aźukeras e institucien. Amen śaj te keras reakcia korkore kana dikhas bi-laćhipen."

 

I Aysel kotar o Novi Pazar phenel kaj voj resljarda o patjavipe pe peste so lake nas:

 

"Me hatjarav sar te śaj kerav but maj but desar so me gindisardem. Me siklǒvavas sar te marav man vaś muro glaso."

 

Akala mothovipa klaro sikavena kaj o workshopi dela na samo džanlipa, numa thaj emocionalno suporto, motivacia thaj haćaripe e komunitetosko maškar e terne Romane džuvlja.

 

O projèkto „Empowered can do all do” jekhvar maj but konfirmisarel kaj o investicia anθ-i edukacia thaj o zoralipen e kompetencienqo e rromane źuvljenqo si investicia anθ-o sasto sociàlo progreso. Kadala workshopura anen źanipen, numaj vi but maj but katar kodo: von keren korkorutne, zorale thaj vokalne terne źene, gatisarde te prinźaren e problemură, te len i iniciativa thaj te aven agentură vaś paruvipen anθ-e lenqe komunitètură.

 

I inkluzia naj agorisardi akcia, numaj jekh kontinuirime proceso, thaj programura sar akava sikaven kaj svako zurardi romani džuvli si jekh paso majpaše ko jekh amalipa kote so o jekhipe thaj khetanipe si realiteti, na idealo.

 

O.V.