Digitalno šajutnimata vaś maj bare śanse ano butăqo marketi thaj jekh maj inkluzivno societeta

Ko duj beršengo realiziribe e projèktosqo, e participànturǎ nakhle teoretikane treningură, suporto vaś mentoring thaj profesionalne praktike anθ-e firmi save keren buti e digitalone marketingosa. Rezultatya sikavena kay akava drom na numay laqharela o butyaripesko shaipe e ternengo, numay ini tiknyarela i diskriminacia thay vazdela o vizibiliteti e romane komunitetesko ano digitaluno than.

 

Ani vràma e projèktosqi, jekh totalo deśujekh terne rromane murśa thaj źuvlǎ nakhle ane duj kurkeske profesiàlo praktike, save dine len śajpe te labăren o prinʒaripen save lile anθ-o vaxt e treningosqo anθ-e ćaćutne biznèsosqe ambiènturǎ, te barǒn e praktikàlo śajutnimata thaj te astaren kontakturǎ save śaj te aven kljućǎ vaś lenqi maj dur profesiàlo karièra. Jekh but importanto fakto si kaj kotor e participanturengo inkerde pengo angažmano vi palal o agor e programosko prekal pokinime praktike, so konfirmil kaj o projekto putardas o vudar vash sastipaskere butjake shaipa.

Koordinàtoro e projèktosqo vaś i Srbia, o Slobodan Stanković, sikavdăs kaj o vastnipe kadale programosqo sikavel pes anθ-o pherdo suporto vaś e participàntură — katar i teorikani edukacia thaj o mentoripen źi k-i konkreto biznèsosqi praktika.

 

“Akava drom zurargjape olengiri konkurentnost ano marketi e butjako thaj kergjape modeli savo šaj te služinel sar misal bašo avutne inicijative”, evaluingja o Stanković.

 

Ko vakeribe bašo buti e ternencar, o Miloš Jovanović, biznis fasilitatori ani organizacia REDI akcentirinela kobor si importantno te pakjape ko terne thaj te del pe olen than te sikaven piro potencijali.

 

“Kerdo buti e kotorleutnenca, avilem konvincime kaj e terne kotar e romani komuniteta silen baro potencijali, majbut ano kotor e digitalno marketingeskoro. Pachava kay ano akava kotor shay te resen shukar rezultatya thay te kontribuinen vash o vazdipe e komunitetesko ano lungo vahti”,vakergya o Jovanović.

 

Paše katar o profesionalno barjaripe e kotorleutnengo, o kerdino rodipe sikavda kaj o projekto si les jekh lačho efekto te ciknjarel pes i diskriminacia mamuj e romane komunitetura. Preliminarno rezultatura sikaven kaj majbari vizibiliteta e romane muršenge thaj džuvljengi ando digitalno than thaj lengi prezenca ande profesionalne ambijentura del kontribucia te phagel pes e stereotipura thaj te zurarel pes e jekhutne šajimata.

 

Stanković majdur vakergja kaj si importantno te lundjarolpe investicija ko barjaripe e digitalno kompetencengo e terne romane muršenge thaj džuvljenge, sar si sikavdo kaj gasave investicije den šajipe te len jekhutno kotorleipe ani digitalno ekonomia, lačharen o socio-ekonomikano statusi thaj den kontribucija ko kreiribe maj inkluzivno amalipa ko lungo vahti, ano savo o profesionalno rezultatia e ternenge kotar e romani komuniteta si pindžarde thaj vazdine.

 

I organizacia Romano Ekonomikano Barjaripe (REDI), lideri ano umal ekonomikano zoralipe e Romengo thaj suporto e romane biznismenenge, lansirisarda akava programo andar o projekto Erasmus+ "Fast-tracking digital inclusion - DigiFast", e resarin te zurarel pes o digitalno džanglipe e terne Romane thaj Romane džuvljenge thaj odolestar te vazdel pes olengere butjarimaske śajutnimata thaj kompetitivnost.

 

O.V.