O dive e romane muzikako sine festuime pandžto drom ki Bačka Palanka

Ko lokalija taro Kulturako centro ki Bačka Palanka, o Romano Kulturako Centro Pančevo organizirinela o pandžto "Dive taro Romano Muzijako" po jekh po jekh. Akava evento sine kerdo telal o ašundipe taro Ministeriumi bašo manušikane thaj minoritetenge hakaja thaj socijalno dialogo, thaj kidingja baro gendo taro kotorleutne, gostura thaj vizitora.

 

Ko starto e programesko raštrako sekretari Dr. Ivan Bošnjak pozdravingja odola so sine ko than, thaj o Velimir Radovanov, asistenti e sherutnesko taro Bačka Palanka, Ljiljana Mihajlović, direktorka taro Kancelaria baši inkluzija e Romane, sar ini Šeća Kolompar prezidento taro Komiteti bašo oficijalno upotreba e čhibako Rroma nacionalno konsili vorbisardas. O programo inkerdas e poetka Maja Jovanović.

 

Ko kompetitivno kotor e programesko čhave taro ververutne thana an i sasti Vojvodina sikavgje eksepcionalno muzikako džanlipa thaj virtuoznost. Ko ekspoziciako kotor prezentirinde pe o nakhle beršeske viktorija, kola pe akava okazia pale jekh drom sikavde piro talenti thaj progresi.

 

Ko ekspertno žurija sine o Rajko Ranko Jovanović, ramosarno, žurnalisto thaj rromano sikavno, Alisa Šajn, vice-prezidenti tari Nacionalno Romano Konsilo, Dragana Ninković taro Mobilno Team bašo Romano Inkluzija taro Bačka Palanka komuna, Ljiljana Mihajlović thaj Srđan Nikolić sar dada thaj deja.

 

Jelena Jovanović, membrura e Konsileski thaj deputata an i Asambleja AP Vojvodina, thaj o Aleksandar Radulović, prezidento e Ekzekutivno Bordosko e Konsilosko, šukarkerde o evento pire prezencasa.

 

Ko agor e programesko, o prezidento taro Pančevo Romano Kulturako Centro, Stevan Jovanović, jekhethane e gostencar prezentingja certifikatia taro naisardipe thaj nagrade e majsukcesutne kotorleutnenge.

 

O kedipe “Roma Muzikako Dive” so majbut lela tradicionalno karakteri thaj signifikantno del kontribucija ko promoviribe e terne talentengo thaj olengere pošukar vizibiliteti ko sasoitnipe.

 

O.V.